ઝારખંડના નવા બોસ બન્યા હેમંત સોરેન, ત્રીજી વખત બન્યા મુખ્યમંત્રી

Hemant Soren Oath : ઝારખંડ મુક્તિ મોરચા (JMM)ના નેતા હેમંત સોરેન (Hemant Soren) ઝારખંડના નવા બોસ બન્યા છે. હેમંત સોરેન ત્રીજી વખત ઝારખંડના મુખ્યમંત્રી (Chief Minister of Jharkhand) બન્યા છે. આજે સાંજે રાજ્યપાલ સીપી રાધાકૃષ્ણને તેમને શપથ (Oath) લેવડાવ્યા હતા. આ દરમિયાન તેમના પિતા શિબુ સોરેન (Shibu Soren) પણ હાજર હતા. રાજ્યપાલના આમંત્રણ પર, હેમંત સોરેન ‘INDIA’ ગઠબંધનના ટોચના નેતાઓ સાથે ગુરુવારે બપોરે રાજભવન પહોંચ્યા, જ્યાં તેમને ઔપચારિક નિમણૂક પત્ર સોંપવામાં આવ્યો અને સરકાર બનાવવાનું આમંત્રણ આપવામાં આવ્યું.

રાજ્યપાલે હેમંત સોરેનને પદ અને ગુપ્તતાના શપથ લેવડાવ્યા

ઝારખંડમાં રાજકીય ગતિવિધિઓ ઝડપથી બદલાઈ છે. પહેલા એવા અહેવાલ હતા કે હેમંત સોરેન (Hemant Soren) 7 જુલાઈએ ઝારખંડના નવા CM તરીકે શપથ લેશે, પરંતુ બાદમાં જાણવા મળ્યું કે હેમંત સોરેન ગુરુવારે જ શપથ લેશે. તો હવે હેમંત સોરેન ફરી એકવાર ઝારખંડના મુખ્યમંત્રી બન્યા છે. રાજધાની રાંચીના રાજભવનમાં રાજ્યપાલે હેમંત સોરેનને પદ અને ગુપ્તતાના શપથ લેવડાવ્યા હતા. રાજભવનમાં આયોજિત શપથ ગ્રહણ સમારોહમાં હેમંત સોરેનના પિતા શિબુ સોરેન પણ જોવા મળ્યા હતા. હેમંત સોરેનના શપથ ગ્રહણ સમારોહમાં શિબુ સોરેન ઉપરાંત કલ્પના સોરેન અને રાજ્યના પૂર્વ CM ચંપાઈ સોરેન પણ જોવા મળ્યા હતા. આ સિવાય રાજભવનમાં શપથ સમારોહમાં કોંગ્રેસના ઘણા નેતાઓ પણ જોવા મળ્યા હતા.

#WATCH | JMM executive president and former CM Hemant Soren takes oath as the Chief Minister of Jharkhand, at Raj Bhavan in Ranchi.

Governor CP Radhakrishnan administers him the oath to office. pic.twitter.com/b0LydgYuxb

— ANI (@ANI) July 4, 2024

ત્રીજી વખત બન્યા મુખ્યમંત્રી

આ ત્રીજી વખત છે જ્યારે હેમંત સોરેને CM તરીકે શપથ લીધા છે. તેઓ 2013માં પ્રથમ વખત સીએમ બન્યા હતા. આ પછી, 2019 માં, JMM-કોંગ્રેસ-RJD ગઠબંધન હેમંત સોરેનના નેતૃત્વમાં ચૂંટણી લડ્યા અને તેઓ બીજી વખત મુખ્યમંત્રી બન્યા. હેમંત સોરેન ઝારખંડમાં CM તરીકે શપથ લેનારા ત્રીજા નેતા હશે. આ પહેલા તેમના પિતા શિબુ સોરેન અને બીજેપીના અર્જુન મુંડાએ 3-3 વખત CM તરીકે શપથ લીધા હતા.

ધરપકડ પહેલા રાજીનામું આપી દીધું હતું

31 જાન્યુઆરીએ, જ્યારે હેમંત સોરેનને જમીન કૌભાંડ સંબંધિત મની લોન્ડરિંગ કેસમાં ED દ્વારા ધરપકડ કરવામાં આવી હતી, ત્યારે તેમણે મુખ્યમંત્રી પદ પરથી રાજીનામું આપી દીધું હતું. તેમના સ્થાને, ચંપાઈ સોરેન, જેઓ તેમની કેબિનેટનો ભાગ હતા, 2 ફેબ્રુઆરીએ CM તરીકેનો કાર્યભાર સંભાળ્યો હતો. 5 મહિના પછી, હાઈકોર્ટમાંથી જામીન મળ્યા પછી, હેમંત સોરેન 28 જૂનના રોજ જેલમાંથી બહાર આવ્યા અને છઠ્ઠા દિવસે જ, ગઠબંધને ફરી એકવાર ચંપાઈ સોરેનની જગ્યાએ હેમંત સોરેનને મુખ્યમંત્રી બનાવવાના નિર્ણયને મંજૂરી આપી.

આ પણ વાંચો – હેમંત સોરેન ફરી બની શકે છે Jharkhand ના મુખ્યમંત્રી : સૂત્ર

આ પણ વાંચો – ભાજપના વરિષ્ઠ નેતા L K Advani ને એકવાર ફરી કરાયા Hospitalized