બિહારમાં જાતિ આધારિત વસ્તી ગણતરીનો વિગતવાર અહેવાલ મંગળવારે વિધાનસભામાં રજૂ કરવામાં આવ્યો હતો. આ પર ચર્ચા દરમિયાન મુખ્યમંત્રી નીતિશ કુમારે મોટો પ્રસ્તાવ રજૂ કર્યો હતો. સીએમ નીતિશે રાજ્યમાં અનામતનો વ્યાપ 50 ટકાથી વધારીને 75 ટકા કરવાનો પ્રસ્તાવ મૂક્યો છે.
આરક્ષણને 75 ટકા કરવાની દરખાસ્ત
વિધાનસભામાં ચર્ચા દરમિયાન, સીએમ નીતિશે બિહારમાં અનામતનો વિસ્તાર 50 થી વધારીને 65 કરવાનો પ્રસ્તાવ મૂક્યો. EWS ના 10 ટકાનો સમાવેશ કરીને આરક્ષણને 75 ટકા કરવાની દરખાસ્ત કરવામાં આવી છે.
અનામતનો વ્યાપ કેવી રીતે વધારશે?
સીએમ નીતિશે કહ્યું કે સરકાર અનામતનો વ્યાપ વધારવા જઈ રહી છે. આ પ્રસ્તાવ મુજબ-
– હાલમાં SC માટે 16 ટકા અનામત વધારીને 20 ટકા કરવામાં આવશે.
– ST 1 ટકાથી વધારીને 2 ટકા કરવામાં આવશે
– EBC (અત્યંત પછાત) અને OBCને મળીને 43 ટકા અનામત આપવામાં આવશે.
મહિલા સાક્ષરતા નિવેદન પર વિચિત્ર નિવેદન
ચર્ચા દરમિયાન સીએમ નીતિશે કહ્યું કે બિહારમાં મહિલાઓની સાક્ષરતા વધી છે. તેમણે કહ્યું કે જો બાળકી શિક્ષિત રહેશે તો વસ્તી અંકુશમાં આવશે. આ નિવેદન દરમિયાન સમગ્ર ગૃહમાં વિચિત્ર સ્થિતિ જોવા મળી હતી. મહિલા ધારાસભ્ય ગુસ્સામાં જોવા મળ્યા.
આ પણ વાંચો–-હવે દરેક રાજ્ય સરકારે ફટાકડા ફોડવા પર પોતાનો નિર્ણય લેવાનો…!
