વડાપ્રધાન નરેન્દ્ર મોદીએ સદાબહાર અભિનેતા દેવ આનંદને તેમની 100મી જન્મજયંતિ પર શ્રદ્ધાંજલિ આપી. તેમણે કહ્યું કે તેની ફિલ્મો માત્ર મનોરંજન જ નથી કરતી પરંતુ ભારતની આકાંક્ષાઓને પણ પ્રતિબિંબિત કરે છે. આપને જણાવી દઈએ કે દેવ આનંદનું નિધન વર્ષ 2011માં 88 વર્ષની વયે થયું હતું.
દેવ આનંદે ‘હમ દોનો‘, ‘તેરે ઘર કે સામને‘, ‘CID’ અને ‘ગાઈડ‘ જેવી ઘણી ફિલ્મોમાં કામ કર્યું હતું. આજે તેમની જન્મજયંતિ છે અને આ અવસર પર વડાપ્રધાન નરેન્દ્ર મોદીએ તેમને યાદ કરતા તેમની સાથે બે તસવીરો શેર કરી છે. તેમજ પીએમ મોદીએ એક પોસ્ટ લખીને તેમને શ્રદ્ધાંજલિ આપી છે.
પીએમ મોદીએ દેવ આનંદને આ રીતે યાદ કર્યા
પીએમ મોદીએ ઈન્સ્ટાગ્રામ પર એક પોસ્ટમાં કહ્યું, ‘દેવ આનંદજીને એવરગ્રીન આઈકન તરીકે યાદ કરવામાં આવે છે. વાર્તા કહેવાની તેમની પ્રતિભા અને સિનેમા પ્રત્યેનો તેમનો જુસ્સો બેજોડ હતો. તેમની ફિલ્મો માત્ર મનોરંજન જ નથી કરતી પણ ભારતના બદલાતા સમાજ અને આકાંક્ષાઓને પણ પ્રતિબિંબિત કરતી હતી. તેમનું કાલાતીત પ્રદર્શન પેઢીઓને પ્રભાવિત કરવાનું ચાલુ રાખે છે. તેમની 100મી જન્મજયંતિ પર તેમને યાદ કરીએ છીએ.
Dev Anand Ji is remembered as an evergreen icon. His flair for storytelling and passion for cinema were unmatched. His films not only entertained but also reflected the changing society and aspirations of India. His timeless performances continue to influence generations.… pic.twitter.com/j1JdajHUec
— Narendra Modi (@narendramodi) September 26, 2023
અભિનેતાને આ પુરસ્કારોથી સન્માનિત કરવામાં આવ્યા હતા
દેવ આનંદે 1946માં ‘હમ એક હૈં‘થી અભિનેતા તરીકેની કારકિર્દીની શરૂઆત કરી અને ‘પેઇંગ ગેસ્ટ‘, ‘બાજી‘, ‘જ્વેલ થીફ‘, ‘જોની મેરા નામ‘, ‘અમીર ગરીબ‘, ‘વોરંટ‘ જેવી યાદગાર ફિલ્મોમાં કામ કર્યું. અને ‘હરે રામ, હરે કૃષ્ણ‘ જેવી ફિલ્મો દ્વારા પોતાના અભિનયનો જાદુ ફેલાવ્યો. દેવ આનંદને ભારતીય સિનેમામાં તેમના ઉત્કૃષ્ટ યોગદાન બદલ 2001માં પદ્મ ભૂષણ અને 2002માં દાદાસાહેબ ફાળકે પુરસ્કારથી નવાજવામાં આવ્યા હતા.
