નવા સંસદ ભવન (new Parliament House)માં વિશેષ સત્ર સાથે ગૃહની કાર્યવાહી શરૂ થવા જઈ રહી છે. જો કે, સોમવારે (18 સપ્ટેમ્બર) સત્રના પહેલા દિવસે જૂની સંસદ (Old Parliament )માં જ બેઠક યોજાઈ હતી, જેમાં સંસદની 75 વર્ષની સફર પર ચર્ચા કરવામાં આવશે. 19 સપ્ટેમ્બરે ગણેશ ચતુર્થીના અવસર પર નવી સંસદમાં આ કાર્યવાહી શરૂ થશે અને બાકીના ચાર દિવસની કાર્યવાહી અહીં જ ચાલશે. 18 થી 22 સપ્ટેમ્બર દરમિયાન વિશેષ સત્રનું આયોજન કરવામાં આવ્યું છે. વિશેષ સત્ર બાદ હવે આગળના તમામ સત્રો નવી સંસદમાં યોજાશે, તો જૂની સંસદનું શું થશે? આ સવાલ આ સમયે દરેકના મનમાં હશે. જૂની સંસદ ભવન 18 જાન્યુઆરી, 1927 ના રોજ તૈયાર થયું હતું અને તેની વિદાય 18 સપ્ટેમ્બર, 2023 ના રોજ થઇ છે.