ભારતના વિશ્વકપ જીત્યા બાદ ભારતભરમાં તેની ઉજવણી જોરશોરથી કરવામાં આવી હતી. ઘણા મોટા શહેરોમાં મોડી રાત્રે પણ ચક્કાજામ જોવા મળ્યો હતો. પરંતુ મહારાષ્ટ્રમાં (MAHARASHTRA) વિધ્યાર્થીઓ માટે આ જીતનો જશ્ન દુખમાં ફેરવાઇ ગયો હતો. મહારાષ્ટ્રના નાંદેડ જિલ્લામાં એક ચોંકાવનારી ઘટના સામે આવી છે. અહીં 20 થી 25 લોકોની ટોળકીએ વર્લ્ડ કપ જીતની ઉજવણી કરી રહેલા વિદ્યાર્થીઓને માર માર્યો હતો. આ હુમલામાં કુલ ચારથી પાંચ લોકો ઘાયલ થયા છે. ચાલો જાણીએ શું છે સમગ્ર ઘટના
ફાઇનલ મેચના દિવસે જ બની ઘટના
આ ઘટના શનિવારે રાત્રે MAHARASHTRA ના નાંદેડ જિલ્લાના શ્રીનગર વિસ્તારમાં બની હતી. આ રાત્રે ભારત અને દક્ષિણ આફ્રિકા વચ્ચે વર્લ્ડ કપની ફાઈનલ મેચ રમાઈ હતી. જેમાં ભારતની ટીમે શાનદાર વિજય મેળવ્યો હતો. ભારતની જીતનો જશ્ન વિકાસ માડવી, રાવસાહેબ નરવાડે, બાલાજી પોરમાદ, કપિલ પાટીલ અને અન્ય કેટલાક વિદ્યાર્થીઓ નાંદેડ શહેરના શ્રીનગર વિસ્તારમાં ઘરની છત પર મનાવી રહ્યા હતા. તેમના ઉપર આ સમય દરમિયાન હુમલો કરવામા આવ્યો હતો.
વિધાર્થીઓના ઘરમાં ઘૂસી અસામાજિક તત્વોએ માર્યો માર
સમગ્ર ઘટના એમ છે કે, આ વિધાર્થીઓ જ્યારે છત ઉપર જશ્ન માનવી રહ્યા હતા તે સમય દરમિયાન વિસ્તારના 20 થી 25 બદમાશો હાથમાં લાકડાની લાકડીઓ સાથે ઘરમાં ઘૂસી ગયા હતા. તેઓએ દરવાજો તોડી નાખ્યો અને રૂમમાં હાજર વિદ્યાર્થીઓને મારવાનું શરૂ કર્યું. કેટલાક વિદ્યાર્થીઓ સૂતા હતા. આ વિદ્યાર્થીઓનો આરોપ છે કે તેમની સાથે પણ મારપીટ કરવામાં આવી હતી. આ સિવાય કેટલાકને બહાર લઈ જઈ માર મારવામાં આવ્યો હતો. આ બધુ સીસીટીવી કેમેરામાં કેદ થઈ ગયું છે. આ ઘટના બાદ વિદ્યાર્થીઓમાં ભયનો માહોલ છે. તેણે આ ઘટના અંગે કોઈને જાણ કરી ન હતી. આ ઘટનાની જાણ રવિવારે બપોરે સર્વત્ર ફેલાઈ ગઈ હતી.
સમગ્ર મામલે નોંધાઈ પોલીસ ફરિયાદ
સમગ્ર ઘટના અંગે ત્યાર બાદ પોલીસ મથકમાં પોલીસ ફરિયાદ નોંધાવવામાં આવી હતી. ઘટનાની માહિતી મળતા જ મોટી સંખ્યામાં ભાજપના અધિકારીઓ ભાગ્યનગર પોલીસ સ્ટેશને એકઠા થઈ ગયા હતા. તેણે તેના પર હુમલો કરનાર આરોપીની ધરપકડ કરવાની માંગ કરી હતી. હવે પોલીસ દ્વારા સમગ્ર મામલો ગુનો નોંધીને આરોપીઓનો શોધખોળ શરૂ કરવામાં આવી છે.
આ પણ વાંચો : Rajasthan Accident : ભયાનક અકસ્માતમાં 2 બાળકો સહિત 9ના મોત