સેન્ટ્રલ બ્યુરો ઑફ ઇન્વેસ્ટિગેશન (CBI), જે NEET (UG) પેપર લીક કેસની તપાસ કરી રહી છે, એ શુક્રવારે ઓએસિસ સ્કૂલ, હજારીબાગના પ્રિન્સિપાલ અને NTA ના સિટી કોઓર્ડિનેટર, એહસાન ઉલ હક, વાઇસ પ્રિન્સિપાલ મોહમ્મદ ઈમ્તિયાઝ અને અખબારના પત્રકાર જમાલુદ્દીનની ધરપકડ કરી હતી. મળતી માહિતી મુજબ, CBI એ છેલ્લા 4 દિવસમાં સ્કૂલના પ્રિન્સિપાલ અને વાઈસ પ્રિન્સિપાલ સહિત એક ડઝન લોકોની પૂછપરછ કરી હતી.
પેપર લીકમાં બે પત્રકારોના નામ પણ સામેલ છે…
બંનેએ NTA ના સિટી કોઓર્ડિનેટર અને સ્કૂલના પ્રિન્સિપાલ એહસાન ઉલ હક સાથે ફોન પર ઘણી લાંબી વાતચીત કરી હતી. કોલ રેકોર્ડના કારણે બંને શંકાના દાયરામાં આવ્યા હતા. તે જ સમયે હજારીબાગમાં એક દૈનિક અખબારના બે પત્રકારો મો. સલાઉદ્દીન અને જમાલુદ્દીનની પણ અટકાયત કરીને પૂછપરછ કરવામાં આવી હતી. આ પછી, તપાસ એજન્સીની ટીમ શાળાના પ્રિન્સિપાલ, વાઇસ પ્રિન્સિપાલ અને પત્રકાર સાથે પટના જવા રવાના થઈ.
શાળાના પ્રિન્સીપાલનું કેસ કનેક્શન શું છે?
અગાઉ, પેપર લીક કેસની તપાસ કરી રહેલી બિહાર પોલીસની EOU (આર્થિક અપરાધ એકમ) ટીમે પટનાના રામકૃષ્ણ નગર વિસ્તારમાંથી અર્ધ બળેલું પ્રશ્નપત્ર મેળવ્યું હતું. આ પેપરના સીરીયલ નંબરની તપાસમાં જાણવા મળ્યું કે તે ઓએસિસ સ્કૂલ, મંડાઈ રોડ, હજારીબાગ ખાતે સ્થિત પરીક્ષા કેન્દ્રનું છે. તેના આધારે છેલ્લા ચાર દિવસ દરમિયાન CBI એ શાળાના આચાર્ય એહસાન ઉલ હક અને વાઇસ પ્રિન્સિપાલ મોહમ્મદની ધરપકડ કરી હતી. હજારીબાગમાં ઈમ્તિયાઝ સહિત એક ડઝન લોકોની અટકાયત કરીને પૂછપરછ કરવામાં આવી હતી.
મેનેજમેન્ટ દ્વારા કરવામાં આવેલી આ એક મોટી ભૂલ હતી…
એવું કહેવામાં આવી રહ્યું છે કે, હજારીબાગમાં CBI ટીમને પેપર લીકના મજબૂત પુરાવા મળ્યા છે. એજન્સીએ તે બોક્સ પણ જપ્ત કરી લીધા છે જેમાં પ્રશ્નપત્ર હજારીબાગ પહોંચ્યા હતા. હજારીબાગમાં, પ્રશ્નપત્રો દૂરના વિસ્તારમાં સ્થિત કુરિયર કંપનીના કેન્દ્ર પર પહોંચ્યા અને ત્યારબાદ પ્રશ્નપત્રોની ટ્રંક ઈ-રિક્ષા દ્વારા બેંકમાં લઈ જવામાં આવ્યા. બેંકમાં પ્રશ્નપત્રો મેળવવા અને તેની જાળવણીમાં પણ બેદરકારી સામે આવી છે.
આ પણ વાંચો : MP પોલીસે તપાસના નામ પર રિક્ષા ડ્રાઈવરને માર્યો ઢોર માર, ગ્લાસમાં પેશાબ ભરીને પણ પીવડાવ્યું…
આ પણ વાંચો : UP : યોગી સરકારની OBC નિમણૂકો પર Anupriya Patel એ ઉઠાવ્યા સવાલ, CM ને લખ્યો પત્ર…
આ પણ વાંચો : Vikram Misri : ડેપ્યુટી NSA વિક્રમ મિસરી બન્યા નવા વિદેશ સચિવ, કેન્દ્ર સરકારે જાહેર કર્યો નિર્દેશ…