Swati Maliwal ના મુદ્દે દિલ્હીના મુખ્યમંત્રી અરવિંદ કેજરીવાલ હજું પણ મૌન

Swati Maliwal : સ્વાતિ માલીવાલ ( Swati Maliwal) ના મુદ્દે દિલ્હીના મુખ્યમંત્રી અરવિંદ કેજરીવાલે હજુ સુધી પોતાનું મૌન તોડ્યું નથી. ગુરુવારે, જ્યારે તેઓ સમાજવાદી પાર્ટીના અધ્યક્ષ અખિલેશ યાદવ સાથે મીડિયા સાથે વાત કરવા માટે લખનૌ આવ્યા હતા, ત્યારે તેમના પર સ્વાતિ માલીવાલ અને બિભવ કુમારને લગતા પ્રશ્નોનો મારો થયો હતો. જો કે દિલ્હીના મુખ્યમંત્રીએ કોઈ પ્રતિક્રિયા આપી નથી. પહેલા અખિલેશ યાદવે સવાલો ટાળવાનો પૂરેપૂરો પ્રયાસ કર્યો અને પછી સંજય સિંહે માઈક હાથમાં લઈને ભાજપને સવાલો કર્યા. તેમણે મણિપુરથી લઈને પ્રજ્વલ રેવન્ના સુધી મુદ્દો ઉઠાવ્યો હતો

રાજ્યસભા સાંસદ સ્વાતિ માલીવાલ સાથે ગેરવર્તનનો આરોપ

ઉત્તર પ્રદેશમાં સમાજવાદી પાર્ટી અને કોંગ્રેસનું ગઠબંધન છે. INDI ગઠબંધનનો ભાગ બનેલી આમ આદમી પાર્ટીના વડા બંને પક્ષો પ્રત્યે પોતાનું સમર્થન વ્યક્ત કરવા લખનૌ પહોંચ્યા હતા. બુધવારે રાત્રે જ્યારે તેઓ લખનૌ પહોંચ્યા ત્યારે તેમની સાથે બિભવ કુમાર પણ જોવા મળ્યા હતા, જેના પર રાજ્યસભા સાંસદ સ્વાતિ માલીવાલ સાથે ગેરવર્તનનો આરોપ છે. સોશિયલ મીડિયા પર આ તસવીર વાયરલ થયા બાદ આ મામલો ફરી એકવાર જોર પકડ્યો છે.

અમિત શાહને પીએમ બનાવશે

કેજરીવાલ સવારે એસપી ઓફિસ પહોંચ્યા અને અખિલેશ યાદવ સાથે સંયુક્ત પ્રેસ કોન્ફરન્સ કરી. તેમણે ફરી એકવાર દાવો કર્યો કે જો ભાજપ જીતશે તો વડાપ્રધાન નરેન્દ્ર મોદી આવતા વર્ષે નિવૃત્ત થશે અને અમિત શાહને પીએમ બનાવશે. તેમણે એવો પણ આક્ષેપ કર્યો હતો કે જો ભાજપને 400 બેઠકો મળશે તો એસસી-એસટી અને ઓબીસીનું અનામત નાબૂદ થઈ જશે. કેજરીવાલ બાદ અખિલેશ યાદવે પણ પોતાના વિચારો વ્યક્ત કર્યા.

સંજયસિંહે આપ્યા જવાબ

જેવા બંને નેતાઓએ પોતાની વાત પૂરી કરી ત્યાર બાદ સ્વાતિ માલીવાલ અને બિભવ કુમારને લગતા પ્રશ્નોનો મારો થયો હતો. રૂમમાં હાજર તમામ પત્રકારો એક જ પ્રશ્નો પૂછવા લાગ્યા. તે સમયે માઈક અખિલેશની સામે હતું તેથી તેમણે સવાલો ટાળવાનો પ્રયાસ કર્યો હતો. તેમણે કહ્યું કે ભાજપ કોઈનું સગુ નથી. પરંતુ જ્યારે સવાલો અટક્યા નહીં તો સંજય સિંહે ચાર્જ સંભાળ્યો અને ભાજપ પર આકરા પ્રહારો શરૂ કર્યા. તેણે સ્વાતિ માલીવાલનું નામ લીધું પરંતુ પૂછ્યું કે જ્યારે તે મહિલા કુસ્તીબાજોના સમર્થનમાં વિરોધ કરવા આવી હતી ત્યારે પોલીસ તેને ખેંચીને લઈ ગઈ હતી.

સંજય સિંહે શું આપ્યો જવાબ?

સંજય સિંહે કહ્યું, ‘આખો દેશ આઘાતમાં છે અને દુઃખી છે કે કારગિલ યોદ્ધાની પત્નીને મણિપુરની અંદર નગ્ન પરેડ કરવામાં આવી હતી અને સેંકડો મહિલાઓ પર અત્યાચાર કરવામાં આવ્યો હતો. ભારતના વડાપ્રધાન મૌન રહ્યા. પ્રજ્વલ રેવન્નાએ હજારો મહિલાઓ પર અત્યાચાર ગુજાર્યો, PM મોદીએ તેમને મત આપવાનું કહ્યું. જ્યારે કુસ્તીબાજની દીકરીઓ જંતર-મંતર પર ન્યાયની માંગણી માટે લડી રહી હતી, તે જ સ્વાતિ માલીવાલ, જે મહિલા આયોગના અધ્યક્ષ હતા, તેઓ રાત્રે તેમને સમર્થન આપવા ગયા હતા અને પોલીસ દ્વારા તેમને ખેંચીને મારવામાં આવ્યા હતા. અમે જોયું કે વડાપ્રધાન હાથરસ મુદ્દે મૌન રહ્યા. આમ આદમી પાર્ટી અમારો પરિવાર છે. પાર્ટીએ પોતાનું વલણ સ્પષ્ટ કર્યું છે. આના પર કોઈ રાજનીતિ ન થવી જોઈએ.

આ પણ વાંચો—-– Mamata Banerjee : કેન્દ્રમાં ‘I.N.D.I ને બહારથી ટેકો આપશે TMC