અશોક ચવ્હાણે (Ashok Chavan) ભાજપમાં જોડાવાની અટકળો પર પૂર્ણવિરામ મૂકી દીધું છે અને આ અટકળો એકદમ સાચી સાબિત થઈ છે. હવે તેઓ ભાજપમાં જોડાયા છે. મહારાષ્ટ્રના પૂર્વ સીએમ અશોક ચવ્હાણે (Ashok Chavan) ભાજપમાં જોડાતા પહેલા કહ્યું હતું કે આજે બપોરે 12-12:30 વાગ્યાની આસપાસ હું મારી રાજકીય કારકિર્દીની નવી સફર શરૂ કરવા જઈ રહ્યો છું. હું ભાજપમાં જોડાવાનો છું. ચવ્હાણે વધુમાં કહ્યું કે આજે મારી રાજકીય કારકિર્દીની આ એક નવી શરૂઆત છે. હું આજે ભાજપ કાર્યાલયમાં ઔપચારિક રીતે ભાજપમાં જોડાઈ રહ્યો છું. મને આશા છે કે અમે મહારાષ્ટ્રના રચનાત્મક વિકાસ માટે કામ કરીશું.
દેવેન્દ્ર ફડણવીસે શું કહ્યું?
મહારાષ્ટ્રના પૂર્વ સીએમ અશોક ચવ્હાણ (Ashok Chavan) મુંબઈમાં પાર્ટી ઓફિસમાં ભાજપમાં જોડાયા. ચવ્હાણના ભાજપમાં જોડાવા અંગે દેવેન્દ્ર ફડણવીસે કહ્યું કે તેમના પક્ષમાં જોડાવાથી અમારી તાકાત વધી છે. અમે અશોક ચવ્હાણ (Ashok Chavan)ને એક અગ્રણી નેતા તરીકે જોઈ શકીએ છીએ. આજે અશોક પાર્ટીમાં જોડાયા છે. ટૂંક સમયમાં અમે હજારો કાર્યકરો અને નેતાઓને પક્ષમાં પ્રવેશ આપવાનો કાર્યક્રમ યોજીશું.
‘નેતાની કાર્યશૈલીથી નારાજ હતા’
ચવ્હાણના કોંગ્રેસમાંથી રાજીનામું આપ્યા બાદ કોંગ્રેસ પક્ષના લોકોના અનેક નિવેદનો પણ સામે આવ્યા હતા. પૂર્વ સાંસદ સંજય નિરુપમે દાવો કર્યો હતો કે તેઓ મહારાષ્ટ્રના એક નેતાની કાર્યશૈલીથી નારાજ છે. અશોક ચવ્હાણ ચોક્કસપણે પાર્ટીની સંપત્તિ હતા. કેટલાક લોકો તેને બોજ ગણાવી રહ્યા છે, તો કેટલાક ED પર દોષારોપણ કરી રહ્યા છે, આ બધી ઉતાવળની પ્રતિક્રિયા છે. તેઓ મૂળભૂત રીતે મહારાષ્ટ્રના એક નેતાની કાર્યશૈલીથી ખૂબ નારાજ હતા.
આ પણ વાંચો : Farmers Protest : ચારેબાજુ પથ્થરમારો અને ધુમાડો, શંભુ બોર્ડર પર ભયાનક પરિસ્થિતિ, ટીયર ગેસના શેલ છોડવામાં આવ્યા…
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ