ઉત્તર પ્રદેશમાં યોગી આદિત્યનાથે ફરીથી મુખ્યમંત્રી તરીકે શપથ લીધા બાદ મંત્રીઓના વિભાગો પણ વહેંચવામાં આવ્યા છે. યોગી આદિત્યનાથ સરકાર 2.0 ની ટીમમાં કયા સભ્યને શું જવાબદારી મળશે, તે હવે નક્કી થઈ ગયું છે. શપથગ્રહણના ત્રણ દિવસ બાદ મંત્રીઓને વિભાગોની વહેંચણી કરવામાં આવી છે.
મુખ્યમંત્રી યોગી આદિત્યનાથે મહેસૂલ, ગૃહ, માહિતી જેવા મહત્વના 34 મંત્રાલયો પોતાની પાસે રાખ્યા છે. જ્યારે ડેપ્યુટી સીએમ કેશવ પ્રસાદ મૌર્યને 6 મંત્રાલયો આપવામાં આવ્યા છે. નાયબ મુખ્યમંત્રી કેશવ પ્રસાદ મૌર્યને ગ્રામીણ વિકાસ અને સમગ્ર ગ્રામીણ વિકાસ, ગ્રામીણ એન્જિનિયરિંગ, ફૂડ પ્રોસેસિંગ, મનોરંજન કર, જાહેર સાહસો અને રાષ્ટ્રીય એકીકરણ વિભાગની જવાબદારી સોંપવામાં આવી છે. એ જ રીતે નાયબ મુખ્યમંત્રી બ્રજેશ પાઠકને તબીબી શિક્ષણ, તબીબી અને આરોગ્ય અને પરિવાર કલ્યાણ અને માતા અને બાળ કલ્યાણ વિભાગની જવાબદારી સોંપવામાં આવી છે.
ઉત્તર પ્રદેશ મંત્રીઓની યાદી-1
સ્વતંત્ર દેવ સિંહ અને બેબી રાની મૌર્યને કયા મંત્રાલય મળ્યા?
ભાજપના પ્રદેશ અધ્યક્ષ સ્વતંત્ર દેવ સિંહને જલ શક્તિ અને પૂર નિયંત્રણ મંત્રાલયની જવાબદારી સોંપવામાં આવી છે. કેબિનેટ મંત્રી બેબી રાની મૌર્ય મહિલા કલ્યાણ અને બાળ વિકાસ અને પોષણ વિભાગની જવાબદારી સંભાળશે.
ઉત્તર પ્રદેશ મંત્રીઓની યાદી-2
અરવિંદ કુમાર શર્માને કયો વિભાગ?
નરેન્દ્ર મોદીના નજીકના ગણાતા અધિકરીમાંથી કેબિનેટ મંત્રી બનેલા અરવિંદ કુમાર(એકે) શર્માને શહેરી વિકાસ, શહેરી સર્વગ્રાહી વિકાસ, શહેરી રોજગાર અને ગરીબી નાબૂદી, ઉર્જા અને વધારાના ઉર્જા સંસાધનોના પોર્ટફોલિયોની ફાળવણી કરવામાં આવી છે. જ્યારે જિતિન પ્રસાદને જાહેર બાંધકામ વિભાગ સોંપવામાં આવ્યો છે.
ઉત્તર પ્રદેશ મંત્રીઓની યાદી-3
ઉત્તર પ્રદેશ મંત્રીઓની યાદી-4
