માર્ક ઝુકરબર્ગને MMA સ્પર્ધાની તૈયારી કરતી વખતે ઘૂંટણમાં ગંભીર ઇજા, સારવાર માટે સર્જરીની પડી ફરજ

મેટાના CEO માર્ક ઝુકરબર્ગે તાજેતરમાં જાહેર કર્યું હતું કે આગામી મિક્સ્ડ માર્શલ આર્ટ (MMA) સ્પર્ધાની તૈયારી કરતી વખતે તેઓ આકસ્મિક ઇજા ભોગ બન્યા છે. માર્કે સમગ્ર બાબત વિશે ઇન્સ્ટાગ્રામ પર સમાચાર શેર કર્યા હતા અને હાલની પરિસ્થિતિ બાબતે લોકોને માહિતગાર કર્યા હતા. મેટાના કર્તા હર્તાએ ઈજાને પહોંચી વળવા માટે સર્જરી કરાવવાની ફરજ પડી હતી અને હવે તે રિકવરીના તબક્કામાં છે.

 

View this post on Instagram

 

A post shared by Mark Zuckerberg (@zuck)

ઇન્સ્ટાગ્રામ પોસ્ટમાં, ઝકરબર્ગે, તેના હોસ્પિટલથી ઘણા ફોટા શેર કર્યા હતા. તેણે તેની સારવાર માટે જવાબદાર તબીબી ટીમનો આભાર વ્યક્ત કરતા કહ્યું, “ડોકટરો અને ટીમ મારી સંભાળ લઈ રહ્યા છે તે બદલ આભાર.”

MMA માં માર્ક ઝકરબર્ગની રુચિ જાણીતી, તે તાલીમ અને સ્પર્ધાઓમાં સક્રિયપણે ભાગ લે છે

ઝકરબર્ગે શરૂઆતમાં ઉલ્લેખ કર્યો હતો કે તેઓ આવતા વર્ષની શરૂઆતમાં સ્પર્ધાત્મક MMA લડાઈ માટે તાલીમ લઈ રહ્યા હતા. જો કે, ઈજાને કારણે હરીફાઈમાં ભાગ લેવાની તેની યોજનામાં અસ્થાયી રૂપે વિલંબ થયો છે. ઝકરબર્ગે તેમના સમર્થકોના પ્રેમ અને પ્રોત્સાહન બદલ આભાર પણ વ્યક્ત કર્યો હતો.

આ પણ વાંચો —  મિયાંવાલી એરબેઝમાં યુદ્ધ જેવી સ્થિતિ, અત્યાર સુધીમાં 9 આતંકવાદીઓ માર્યા ગયા

ગુજરાત ફર્સ્ટ તમને સમાચારોથી હંમેશા અવગત રાખશે