લોકસભા ચૂંટણીના બીજા તબક્કા માટે આજે એટલે કે શુક્રવારે મતદાન થઈ રહ્યું છે. આજે દેશના 13 રાજ્યોની કુલ 88 બેઠકો પર મતદારો પોતાના મતાધિકારનો ઉપયોગ કરશે. બીજા તબક્કામાં કેરળની વાયનાડ લોકસભા સીટ પણ સામેલ છે, જ્યાંથી કોંગ્રેસ નેતા રાહુલ ગાંધી સતત બીજી વખત ચૂંટણી લડી રહ્યા છે. કેરળની તમામ 20 સીટો ઉપરાંત કર્ણાટકની 28 સીટોમાંથી 14, રાજસ્થાનની 13 સીટો, મહારાષ્ટ્ર અને ઉત્તર પ્રદેશની 8-8 સીટો, મધ્યપ્રદેશની 6 સીટો, આસામ અને બિહારની 5-5 સીટ, છત્તીસગઢ અને પશ્ચિમ બંગાળની 3-3 સીટો અને મણિપુર, ત્રિપુરા અને જમ્મુ અને કાશ્મીરમાં 1-1 બેઠક પર મતદાન થશે.
જણાવી દઇએ કે, બીજા તબક્કામાં 88 નહીં પણ 89 સીટો પર મતદાન થવાનું હતું, પરંતુ મધ્યપ્રદેશની બેતુલ સીટ પર બહુજન સમાજ પાર્ટીના ઉમેદવારના મોત બાદ હવે ત્રીજા તબક્કામાં મતદાન થશે. ઉલ્લખનીય છે કે, પ્રથમ તબક્કાનું મતદાન 19 એપ્રિલના રોજ 102 બેઠકો પર થયું હતું. જણાવી દઈએ કે, સમગ્ર લોકસભા ચૂંટણી 7 તબક્કામાં યોજાશે અને 4 જૂને મતગણતરી કરવામાં આવશે. પરિણામ પણ એ જ દિવસે આવશે. જાણો આ રિપોર્ટમાં બીજા તબક્કાના મતદાન સાથે જોડાયેલી દરેક માહિતી.
મણિપુરમાં એક મતદાન મથક પર અપંગ મતદાર પોતાનો મત આપે છે
April 26, 2024 12:15 pm
મણિપુર: ઉખરુલ આઉટર મણિપુરમાં એક વિકલાંગ મતદાર મતદાન મથક પર પોતાનો મત આપે છે. આઉટર મણિપુર સીટ હેઠળની 13 વિધાનસભા સીટો માટે આજે બીજા તબક્કામાં મતદાન થઈ રહ્યું છે.
આ ભારતના ભવિષ્યની ચૂંટણી છે : શશિ થરૂર
April 26, 2024 12:06 pm
તિરુવનંતપુરમથી કોંગ્રેસના ઉમેદવાર શશિ થરૂરે પોતાનો મત આપ્યા બાદ કહ્યું, "હું એક પ્રશ્ન પૂછી રહ્યો છું, શું આ ફ્રેન્ડલી મેચ છે? કારણ કે મેં LDF ના ચૂંટણી પ્રચારમાં ભાજપની એક પણ ટીકા જોઈ નથી અને અમે ભાજપનો ચૂંટણી પ્રચાર જોયો છે. મેં LDF તરફથી એક પણ ટીકા સાંભળી નથી... અમે અહીં છીએ કારણ કે અમે દિલ્હીમાં સરકાર બદલવા માંગીએ છીએ... આ એક એવી ચૂંટણી છે જે મારા પોતાના ભવિષ્ય માટે છે ભારતનું ભવિષ્ય આપણે અહીં લોકશાહી પુનઃસ્થાપિત કરવા આવ્યા છીએ... ડાબેરીઓ દાવો કરે છે કે તેઓ પણ ભાજપના ટીકાકાર છે પરંતુ તેઓએ ક્યારેય ભાજપ વિરુદ્ધ એક પણ શબ્દ નથી બોલ્યો, હું માત્ર આ સવાલ પૂછું છું કે તમે કેમ ન કહ્યું? ..."
મતદાન પર ભાજપના ઉમેદવાર જીતેન્દ્ર સિંહે શું કહ્યું?
April 26, 2024 12:03 pm
કેન્દ્રીય મંત્રી અને ઉધમપુર લોકસભા મતવિસ્તારના BJP ઉમેદવાર જીતેન્દ્ર સિંહે કહ્યું, 'તમે જેવો ઉત્સાહ જોઈ રહ્યા છો. આ સફળ લોકશાહી અને PM મોદીના નેતૃત્વની શરૂઆત છે અને તેથી તેને લોકશાહીનો મહાન તહેવાર પણ કહેવામાં આવે છે.
મતદાન પછી અશોક ચવ્હાણે શું કહ્યું...?
April 26, 2024 12:00 pm
વોટિંગ બાદ જનરલ વીકે સિંહે શું કહ્યું...?
April 26, 2024 11:59 am
પીડીપી ચીફ મહેબૂબા મુફ્તીની પ્રતિક્રિયા
April 26, 2024 11:58 am
ભાજપને જનાદેશ મળવાની કોઈ શક્યતા નથી - જયરામ રમેશ
April 26, 2024 11:55 am
કોંગ્રેસના મહાસચિવ જયરામ રમેશે કહ્યું કે, 2024માં ભાજપને જનાદેશ મળવાની કોઈ શક્યતા નથી. તેમણે કહ્યું - 'પહેલા તબક્કા પછી જ મેં કહ્યું હતું કે દક્ષિણ ભારતમાં ભાજપ સાફ છે અને ઉત્તર અને મધ્ય ભારતમાં ભાજપ હાફ છે... આજે બીજા તબક્કામાં તે સ્પષ્ટ થઈ ગયું. 2024ની ચૂંટણીમાં ભાજપને જનાદેશ મળવાની કોઈ શક્યતા નથી.
જંગી બહુમતી સાથે ફરીથી NDA સરકાર બનશે - યોગી આદિત્યનાથ
April 26, 2024 11:29 am
ઉત્તર પ્રદેશના મુખ્યમંત્રી યોગી આદિત્યનાથે લખનૌમાં કહ્યું, "ચૂંટણીના બીજા તબક્કામાં આજે 13 રાજ્યોમાં મતદાન થઈ રહ્યું છે. આને જોઈને આપણે કહી શકીએ કે PM મોદીના કામને લઈને દેશમાં સકારાત્મક ઉત્સાહ છે. 10 વર્ષના વડાપ્રધાન મોદીના કામને લોકો તરફથી પૂરો આશીર્વાદ મળી રહ્યો છે, તે ફરી એકવાર મોદી સરકારના સંકલ્પને પૂર્ણ કરવામાં મદદ કરશે, દેશ કામ જોવા માંગે છે અને PM મોદીએ 10 વર્ષમાં દેશને એક નવી દિશા આપી. આ 10 વર્ષોમાં દેશે કંઈક નવું કરી બતાવ્યું છે... ભાજપને તેનો ફાયદો થશે, હું માનું છું કે જ્યારે 4 જૂને પરિણામ આવશે ત્યારે NDAની સરકાર ફરીથી જંગી બહુમતી સાથે બનશે."
Google એ ખાસ Doodle બનાવીને લોકોને વોટ કરવાની અપીલ કરી છે
April 26, 2024 11:16 am
આજના Google Doodle નું નામ છે ભારતની લોકસભા ચૂંટણી 2024. Google Doodle માં વોટ આપનાર વ્યક્તિનો હાથ દેખાય છે. આંગળી પર શાહીના નિશાન છે જે મતદાન કર્યા પછી લગાવવામાં આવે છે. આ પહેલા 19 એપ્રિલે થયેલા વોટિંગ દરમિયાન Google Doodle બનાવીને લોકોને વોટ કરવા માટે પ્રેરિત કર્યા હતા. Google તમામ મોટા પ્રસંગો અને દિવસો પર આવા ડૂડલ બનાવે છે.
એચડી દેવેગૌડાએ મતદાન કર્યું
April 26, 2024 10:37 am
કર્ણાટકના હાસનમાં પૂર્વ વડાપ્રધાન અને જેડીએસના વડા એચ.ડી. દેવેગૌડાએ મતદાન કર્યું હતું.
પશ્ચિમ બંગાળના બાલુરઘાટમાં બે જૂથો વચ્ચે અથડામણ
April 26, 2024 10:21 am
પશ્ચિમ બંગાળમાં, ભાજપના વડા અને બાલુરઘાટથી લોકસભાના ઉમેદવાર સુકાંત મજુમદારની હાજરીમાં બે જૂથો વચ્ચે અથડામણ થઈ હતી. બાલુરઘાટમાં TMC અને BJP ના કાર્યકર્તાઓ વચ્ચે અથડામણ થઈ હતી. મજુમદારે આરોપ લગાવ્યો કે એક મતદાન કેન્દ્ર પર મોટી સંખ્યામાં TMC કાર્યકર્તાઓ હાજર છે. 'Go Back' ના નારા પણ મજુમદાર તરફ ઈશારો કરતા સાંભળવા મળ્યા.
છત્તીસગઢના નાયબ મુખ્યમંત્રીની દેશવાસીઓને અપીલ
April 26, 2024 10:19 am
હેમા માલિનીએ કહ્યું - મને આશા છે કે આજે પ્રથમ તબક્કા કરતા વધારે મતદાન થશે
April 26, 2024 9:58 am
ઉત્તર પ્રદેશ: મથુરાથી ભાજપના ઉમેદવાર હેમા માલિનીએ કહ્યું, "મને આશા છે કે આજે પ્રથમ તબક્કા કરતા વધારે મતદાન થશે... અમે લોકોને અપીલ કરી છે કે તેઓ આવીને મતદાન કરે..."
બીજા તબક્કામાં 9 વાગ્યા સુધી 12 રાજ્યોમાં મતદાનની ટકાવારી
April 26, 2024 9:45 am
જમ્મુ કાશ્મીર- 10.39, આસામ- 9.15, બિહાર- 9.65, છત્તીસગઢ- 15.42, કર્ણાટક- 9.21, ઉત્તર પ્રદેશ- 11.67, કેરળ- 11.90, મહારાષ્ટ્ર- 7.45, મધ્ય પ્રદેશ- 13.82, મણિપુર- 14.80, રાજસ્થાન- 11.77, પશ્ચિમ બંગાળ- 15.68, ત્રિપુરા - 16.45
આ એક ખૂબ જ મહત્વપૂર્ણ અધિકાર છે જે આપણી પાસે છે : નેહા શર્મા
April 26, 2024 9:42 am
નેહા શર્મા કહે છે, "આ ખૂબ જ મહત્વપૂર્ણ દિવસ છે... હું લોકોને વિનંતી કરું છું કે આ એક ખૂબ જ મહત્વપૂર્ણ અધિકાર છે જે આપણી પાસે છે. એક જાગૃત નાગરિક તરીકે, બહાર નીકળો અને મતદાન કરો કારણ કે તમારો મત કિંમતી છે..."
અભિનેતા પ્રકાશ રાજે મતદાન કર્યું, કહ્યું - મેં નફરત ફેલાવનારા અને દેશના ભાગલા પાડનારાઓ વિરુદ્ધ મત આપ્યો
April 26, 2024 9:33 am
કર્ણાટક: બેંગલુરુમાં પોતાનો મત આપ્યા પછી, અભિનેતા પ્રકાશ રાજે કહ્યું, "મારો મત મારા અધિકાર માટે છે, મારું પ્રતિનિધિત્વ કોણ કરશે, સંસદમાં મારો અવાજ કોણ હશે તે પસંદ કરવાની મારી શક્તિ છે...ઉમેદવારની પસંદગી કરવી ખૂબ મહત્વપૂર્ણ છે કે તમે શું માનો છો, અને મેં તે ઉમેદવારને મત આપ્યો છે જેના પર હું વિશ્વાસ કરું છું અને જે મેનિફેસ્ટો તે લઇને આવ્યા છે અને ફેરફાર માટે, તે નફરત અને વિભાજનકારી રાજનીતિના કારણ જે આપણે છેલ્લા એક દાયકામાં જોવા મળી છે.
તેજસ્વી સૂર્યાએ મતદાન પહેલા પૂજા કરી હતી
April 26, 2024 9:33 am
બેંગલુરુઃ ભાજપ ઉમેદવાર તેજસ્વી સૂર્યાએ વોટિંગ પહેલા પોતાના ઘરે પૂજા-અર્ચના કરી હતી. લોકસભા ચૂંટણીના બીજા તબક્કામાં આજે દેશની 88 લોકસભા સીટો પર મતદાન થઈ રહ્યું છે.
પૂર્વ ભારતીય ક્રિકેટર રાહુલ દ્રવિડે કર્યું બેંગલુરુમાં મતદાન
April 26, 2024 9:18 am
રાહુલ દ્રવિડે કર્ણાટકના બેંગલુરુમાં પોતાનો મત આપ્યો અને કહ્યું, "દરેક વ્યક્તિએ બહાર આવીને મતદાન કરવું જોઈએ. લોકશાહીમાં આપણને આ તક મળે છે."
લોકસભા સ્પીકર ઓમ બિરલાએ કોટામાં મતદાન કર્યું, ભાજપની જીતનો દાવો કર્યો
April 26, 2024 9:18 am
લોકસભા સ્પીકર અને કોટા લોકસભા સીટના ભાજપના ઉમેદવાર ઓમ બિરલાએ કોટામાં મતદાન કર્યું. તેમણે ચૂંટણીમાં રાજસ્થાનની તમામ 25 બેઠકો પર ભાજપની જીતનો દાવો કર્યો હતો. ઓમ બિરલાએ કહ્યું - "તેઓ (વિપક્ષ) જુઠ્ઠાણા અને છેતરપિંડીઓના આધારે ભ્રમ ફેલાવી રહ્યા છે. સામાજિક વ્યવસ્થા, સામાજિક ન્યાય બની રહેશે, PM મોદી અને ગૃહમંત્રી અમિત શાહે આ ઘણી વખત કહ્યું છે... 100% અમે અહીંની 25માંથી 25 સીટો જીતવાના છીએ.
મેં મારી માતા તરીકે પૂર્ણિયાને પસંદ કરી - પપ્પુ યાદવ
April 26, 2024 9:04 am
બિહારના પૂર્ણિયાથી અપક્ષ ઉમેદવાર પપ્પુ યાદવે કહ્યું, 'મેં પૂર્ણિયાને મારી માતા તરીકે પસંદ કરી છે. આ આજે કેમ હોટ સીટ છે? કારણ કે અહીંના લોકોએ ન તો કોઈ પક્ષ પસંદ કર્યો, ન PM મોદી, ન લાલુ, ન નીતિશ, માત્ર પપ્પુ યાદવ… જાતિ, ધર્મ અને ધર્મથી ઉપર ઉઠીને લોકોએ મને પસંદ કર્યો.
મેરઠથી ભાજપના ઉમેદવાર અરુણ ગોવિલે જનતાને મતદાનની કરી અપીલ
April 26, 2024 8:55 am
ઉત્તર પ્રદેશના મેરઠ સહિત 8 મતવિસ્તારોમાં મતદાન ચાલી રહ્યું છે, મેરઠથી ભાજપના ઉમેદવાર અરુણ ગોવિલ કહે છે, "હું લોકોને કહેવા માંગુ છું કે તેઓ મતદાન કરે. આપણે આપણા મતનો ઉપયોગ કરવો જોઈએ... મારો જન્મ અહીં થયો છે અને હું મોટો થયો છું અને ભણ્યો પણ છું. અહીં, તો હું કેવી રીતે બહારનો વ્યક્તિ છું?"
રાહુલે કહ્યું- લોકશાહીની રક્ષા માટે વોટ કરો
April 26, 2024 8:51 am
કોંગ્રેસ નેતા રાહુલ ગાંધીએ ટ્વિટર પર કહ્યું, 'મારા વ્હાલા દેશવાસીઓ! આજે આ ઐતિહાસિક ચૂંટણીનો બીજો તબક્કો છે જે દેશના ભાગ્યનો નિર્ણય કરવા જઈ રહ્યો છે. તમારો મત નક્કી કરશે કે આગામી સરકાર 'થોડા અબજોપતિઓ'ની હશે કે '140 કરોડ ભારતીયોની'. આથી દરેક નાગરિકની ફરજ છે કે આજે ઘરની બહાર આવીને 'બંધારણના સૈનિક' બનીને લોકશાહીની રક્ષા માટે મતદાન કરે.
ભાજપના નેતા વસુંધરા રાજેએ મતદાન કર્યું
April 26, 2024 8:49 am
નિર્મલા સીતારમણે બેંગલુરુમાં મતદાન કર્યું
April 26, 2024 8:46 am
કેન્દ્રીય મંત્રી નિર્મલા સીતારમણે બેંગલુરુમાં મતદાન મથક પર પોતાનો મત આપ્યો. તેમણે લોકોને મતદાન કરવા અપીલ કરી હતી. નિર્મલા સીતારમણે કહ્યું, "હું ઈચ્છું છું કે વધુને વધુ લોકો આવે અને મતદાન કરે... મને લાગે છે કે લોકો એક સ્થિર સરકાર ઈચ્છે છે, તેઓ સારી નીતિઓ, પ્રગતિ અને વિકાસ ઈચ્છે છે અને તેથી જ તેઓ બહાર આવી રહ્યા છે." તેઓ PM મોદીને તેમનો કાર્યકાળ ચાલુ જોવા માંગે છે..."
કોંગ્રેસ મહાસચિવ કે. સી. વેણુગોપાલે મતદાન કર્યું હતું
April 26, 2024 8:44 am
કોંગ્રેસના વરિષ્ઠ નેતા કે. સી. વેણુગોપાલે કેરળના અલપ્પુઝામાં મતદાન મથક પર પોતાનો મત આપ્યો.
છત્તીસગઢના મુખ્યમંત્રી વિષ્ણુ દેવ સાઈએ મતદાન કરવાની અપીલ કરી હતી
April 26, 2024 8:44 am
છત્તીસગઢના મુખ્યમંત્રી વિષ્ણુ દેવ સાઈએ કહ્યું, "હું લોકસભા મતવિસ્તારો રાજનાંદગાંવ, કાંકેર અને મહાસમુંદના લોકોને અપીલ કરું છું કે તેઓ લોકશાહીને મજબૂત કરવા માટે તેમના મૂલ્યવાન મતનો ઉપયોગ કરે..."
લગ્ન પહેલા મતદાન કરવા પહોંચ્યા વરરાજા
April 26, 2024 8:41 am
મહારાષ્ટ્રમાં લોકસભાની ચૂંટણીમાં પોતાનો મત આપવા માટે અમરાવતીના વદરપુરા વિસ્તારમાં એક વરરાજા તેના નિયુક્ત મતદાન મથક પર પહોંચે છે. રાજ્યમાં લોકસભા ચૂંટણીના બીજા તબક્કામાં 8 સંસદીય મતવિસ્તારોમાં મતદાન થઈ રહ્યું છે.
ઈન્ફોસિસના સ્થાપક નારાયણ મૂર્તિએ પોતાનો મત આપ્યો
April 26, 2024 8:36 am
ઈન્ફોસીસના સ્થાપક નારાયણ મૂર્તિએ બેંગલુરુમાં પોતાનો મત આપ્યા પછી કહ્યું, "અમને દર 5 વર્ષે એકવાર આપણા બંધારણ દ્વારા આપવામાં આવેલા મતના અધિકારનો ઉપયોગ કરવાની તક મળે છે. આજે તે દિવસ છે જ્યારે આપણે બધાએ મતદાન કરવાની શક્તિનો ઉપયોગ કરવા માટે ઉત્સાહિત થવું જોઇએ."
રાજ્યસભા સાંસદ સુધા મૂર્તિએ પોતાનો મત આપ્યો, જનતાને મતદાન માટે અપીલ કરી.
April 26, 2024 8:32 am
લેખિકા અને રાજ્યસભા સાંસદ સુધા મૂર્તિએ બેંગલુરુમાં પોતાનો મત આપ્યો. તેણીએ કહ્યું, "હું દરેકને કહેવા માંગુ છું કે ઘરે બેસીને ટિપ્પણી ન કરો. કૃપા કરીને બહાર આવો અને તમારા નેતાને પસંદ કરો... કૃપા કરીને આવો અને મત આપો..."
PM મોદીએ રેકોર્ડ સંખ્યામાં મતદાન કરવાની અપીલ કરી હતી
April 26, 2024 8:16 am
PM મોદીએ સોશિયલ મીડિયા X પર પોતાની પોસ્ટમાં લોકોને મોટી સંખ્યામાં વોટ કરવાની અપીલ કરી છે. તેમણે લખ્યું- આજે લોકસભા ચૂંટણીના બીજા તબક્કાની તમામ બેઠકોના મતદારોને મારી નમ્ર વિનંતી છે કે રેકોર્ડ સંખ્યામાં મતદાન કરો. જેટલું વધુ મતદાન થશે તેટલું જ આપણું લોકતંત્ર મજબૂત થશે. મારી આપણા યુવા મતદારો તેમજ દેશની નારી શક્તિને ખાસ અપીલ છે કે તેઓ ઉત્સાહપૂર્વક મતદાન કરવા આગળ આવે. તમારો મત તમારો અવાજ છે!
કેરળમાં વિપક્ષના નેતા વી.ડી. સતીસન એર્નાકુલમે મતદાન કર્યું
April 26, 2024 8:10 am
કેરળના વિપક્ષી નેતા વી.ડી. સતીસન એર્નાકુલમ સંસદીય મતવિસ્તાર હેઠળના ઉત્તર પરાવુરમાં મતદાન મથક પર મતદાન કરવા માટે મતદારોની વચ્ચે કતારમાં ઉભા જોવા મળ્યા હતા.
મણિપુરમાં એક 94 વર્ષિય મહિલાએ કર્યું મતદાન
April 26, 2024 8:02 am
ઉખરુલ આઉટર મણિપુરમાં જ્યારે સંસદીય બેઠક પર મતદાન શરૂ થયું ત્યારે એક 94 વર્ષીય મહિલાએ પોતાનો મત આપ્યો. આઉટર મણિપુર સીટ હેઠળની 13 વિધાનસભા સીટો માટે આજે બીજા તબક્કામાં મતદાન થઈ રહ્યું છે. રાજ્યમાં કુલ બે બેઠકો છે.
જમ્મુ-કાશ્મીરમાં કલમ 144 લાગુ, ખૂણે-ખૂણે પોલીસ તૈનાત
April 26, 2024 7:58 am
આજે જમ્મુમાં 17.80 લાખ મતદારો 22 ઉમેદવારોના ભાવિનો નિર્ણય કરશે. સત્તાવાર આંકડાઓ અનુસાર, જમ્મુ-રિયાસી બેઠક પર 17,80,835 મતદારો છે, જેમાં 9,21,462 પુરૂષો અને 8,60,055 મહિલાઓનો સમાવેશ થાય છે. 28 ટ્રાન્સજેન્ડર મતદારો છે. 2416 મતદાન મથકોમાંથી 223 સંવેદનશીલ અને 117 ક્રિટિકલ છે, જ્યારે બાકીના સામાન્ય છે. મહિલાઓ માટે પીક પોલિંગ સ્ટેશન બનાવવામાં આવ્યું છે. જમ્મુ, સાંબા રિયાસીમાં કલમ 144 લાગુ છે અને દરેક ખૂણે-ખૂણે સુરક્ષાકર્મીઓ તૈનાત છે.
રાજસ્થાનના પૂર્વ મુખ્યમંત્રીએ કહ્યું- આ ચૂંટણી લોકશાહી બચાવવા માટે છે...
April 26, 2024 7:54 am
રાજસ્થાનના પૂર્વ મુખ્યમંત્રી અને કોંગ્રેસના નેતા અશોક ગેહલોતે કહ્યું કે, પ્રથમ તબક્કાની ચૂંટણી (19 એપ્રિલે યોજાઈ) એ સ્પષ્ટ સંદેશ આપ્યો કે લોકો શું ઈચ્છે છે. આ ચૂંટણી લોકશાહીને બચાવવાની છે, મને લાગે છે કે આજે દેશમાં સૌથી મહત્વનો મુદ્દો બેરોજગારી, મોંઘવારી અને અમીર અને ગરીબ વચ્ચેની ખાઈ છે. કોંગ્રેસના મેનિફેસ્ટોમાં નરેન્દ્ર મોદી દ્વારા લગાવવામાં આવેલા આરોપો અંગે તેમણે કહ્યું કે વડાપ્રધાન કોંગ્રેસના મેનિફેસ્ટોની એવી રીતે અર્થઘટન કરી રહ્યા છે જે તેમાં નથી.
કેટલા મતદારો અને ઉમેદવારો છે?
April 26, 2024 7:47 am
ભારતના ચૂંટણી પંચના જણાવ્યા અનુસાર, લોકસભા ચૂંટણીના બીજા તબક્કામાં મતદાન માટે 1.67 લાખ કેન્દ્રો સ્થાપિત કરવામાં આવ્યા છે. 15.88 કરોડ લોકો મતદાન કરવા પાત્ર હશે. આ તબક્કામાં મતદાન મથકો પર 16 લાખથી વધુ અધિકારીઓ તૈનાત કરવામાં આવ્યા છે. આ સિવાય આજે 1202 ઉમેદવારો ચૂંટણી મેદાનમાં છે. જેમાં પુરૂષ ઉમેદવારોની સંખ્યા 1098 અને મહિલા ઉમેદવારોની સંખ્યા 102 છે. ગત ચૂંટણીના બીજા તબક્કામાં NDAએ 89માંથી 56 બેઠકો જીતી હતી. વળી UPA ને 24 બેઠકો મળી હતી.
તમામ બૂથ પર વ્યવસ્થા યોગ્ય કરવામાં આવી છે : મુખ્ય ચૂંટણી કમિશનર
April 26, 2024 7:36 am
મુખ્ય ચૂંટણી કમિશનર રાજીવ કુમારે જણાવ્યું હતું કે, "તમામ બૂથ પર વ્યવસ્થા યોગ્ય કરવામાં આવી છે. મતદારો માટે પીવાના પાણી, પંખા સહિતની તમામ વ્યવસ્થા કરવામાં આવી છે. મતદારોએ બહાર આવીને મતદાન કરવું જરૂરી છે. સુરક્ષાને ધ્યાનમાં રાખવામાં આવી છે. તમામ બૂથો પર ફોર્સ હાજર રહેશે.
આ ઉમેદવારો અને બેઠકો પર રહેશે સૌ કોઇની નજર
April 26, 2024 7:36 am
ભાજપે અરુણ ગોવિલને મેરઠથી પોતાના ઉમેદવાર બનાવ્યા છે. તેમની સામે બસપાના દેવવ્રત કુમાર ત્યાગી અને સપાના સુનીતા વર્મા છે. હેમા માલિની મથુરાથી ભાજપની ટિકિટ પર હેટ્રિક ફટકારવાની તૈયારી કરી રહી છે. રાજસ્થાનની કોટા બુંદી સીટ પરથી ભાજપે ઓમ બિરલાને મેદાનમાં ઉતાર્યા છે. કોંગ્રેસના ભૂપેશ બઘેલ રાજનાંદગાંવ, છત્તીસગઢથી ચૂંટણી મેદાનમાં છે. આ વખતે રાહુલ ગાંધી ફરીથી કેરળના વાયનાડથી ચૂંટણી લડી રહ્યા છે. કોંગ્રેસ નેતા શશિ થરૂર કેરળની તિરુવનંતપુરમ બેઠક પરથી ચૂંટણી લડી રહ્યા છે. આ ખાસ બેઠકો પર સૌ કોઇની ખાસ નજર રહેશે.
બીજા તબક્કામાં 1202 ઉમેદવારો
April 26, 2024 7:36 am
બીજા તબક્કાની ચૂંટણીમાં 1202 ઉમેદવારો મેદાનમાં છે, જેમાં 1098 પુરૂષો અને 102 મહિલાઓ છે. બુધવારે સાંજે બીજા તબક્કાના પ્રચારનો અંત આવ્યો હતો.
કયા રાજ્યની કેટલી બેઠકો પર મતદાન?
April 26, 2024 7:30 am
આજે કેરળની તમામ 20 બેઠકો ઉપરાંત કર્ણાટકની 28માંથી 14 બેઠકો, રાજસ્થાનની 13 બેઠકો, મહારાષ્ટ્ર અને ઉત્તર પ્રદેશમાં 8-8 બેઠકો, મધ્યપ્રદેશની 6 બેઠકો, આસામ અને બિહારમાં 5-5 બેઠકો, છત્તીસગઢ અને પશ્ચિમ બંગાળની 3-3 બેઠકો અને મણિપુર, ત્રિપુરા અને જમ્મુ-કાશ્મીરની 1-1 સીટો પર આજે શુક્રવારે મતદાન થશે.