ભુજના કિઆન શાહે એક સાથે ત્રણ પ્રવૃત્તિ કરી સર્જ્યો વર્લ્ડ રેકોર્ડ 

ભૂજના કિઆન શાહ નામના 9 વર્ષના બાળકે એક સાથે ત્રણ પ્રવૃત્તિ કરીને વર્લ્ડ રેકોર્ડ સર્જ્યો છે. તેની આ સિદ્ધિને  ઇન્ડિયા બુક ઓફ રેકોર્ડ અને ઇન્ડિયા વર્લ્ડ ઓફ રેકોર્ડમાં સ્થાન મળ્યું છે.

ભુજના કિઆન ઋતુલ શાહ નામના નવ વર્ષીય બાળકે એક અનોખી સિદ્ધિ મેળવી છે અને  પોતાના પરિવાર અને સમાજનું ગૌરવ વધાર્યું છે. કિઆને એક સાથે ત્રણ પ્રવૃત્તિઓ કરીને વર્લ્ડ રેકોર્ડ મેળવ્યું છે. તે આંખે પાટા બાંધીને તેમજ પગમાં સ્કેટિંગ પહેરીને રૂબીક પૂર્ણ કરે છે

આ પ્રવૃત્તિને લઈને તેને ઇન્ડિયા બુક ઓફ રેકોર્ડ અને ઇન્ડિયા વર્લ્ડ ઓફ રેકોર્ડમાં સ્થાન મેળવ્યું છે. 11 માર્ચ 2023 ના તેને આ સ્થાન મળ્યું છે.

મૂળ રાપર તાલુકાના વતની તેના પિતા ઋતુલ શાહ ભુજમાં વેપાર કરે છે.  કિઆન હાલમાં ધોરણ ચારમાં અભ્યાસ કરે છે અને માધાપર ખાતે આવેલી દુન પબ્લિક સ્કૂલમાં તે અભ્યાસ કરે છે. તે બે વર્ષથી સતત સ્કેટિંગ અને મિડ બ્રેનની એક્ટિવિટી કરે છે. આજે તેની પ્રવૃત્તિને લઈને લોકો પણ હર્ષભેર વધાવી રહ્યા છે.

કિઆનના દાદા દાદી કહે છે કે અમારા પરિવારનું નામ ગૌરવભેર વધાર્યું છે. કિઆનના માતા પિતા પણ કહે છે કે આજે 59 સેકન્ડમાં ત્રણ પ્રવૃત્તિ પૂર્ણ કરી છે અને રેકોર્ડ સ્થાન મેળવ્યું છે. આનાથી વિશેષ કઈ ખુશી કહેવાય. આ નવ વર્ષીય બાળકની પ્રવૃત્તિ ખરેખર અદભુત છે.

આ પણ વાંચો—બિલીમોરાનો ઉજ્જવલ હાર્મોનિયમ વાદનમાં ગુજરાતમાં પ્રથમ