ઈસ્તાંબુલે આતંકવાદી સંગઠન ઈસ્લામિક
સ્ટેટ્સ આઈએસઆઈએસના નવા વડા અબુ અલ હસન અલ કુરૈશીની ધરપકડ કરવાનો દાવો કર્યો છે.
તુર્કીની ન્યૂઝ વેબસાઈટ OdaTV અનુસાર, ઈસ્તાંબુલમાં સત્તાવાળાઓએ અબુ અલ-હસન અલ-કુરૈશીની ધરપકડ કરી છે.
અહેવાલમાં એમ પણ કહેવામાં આવ્યું છે કે રાષ્ટ્રપતિ રેસેપ તૈયપ એર્દોઆનને
અલ-કુરેશીની ધરપકડની જાણ કરવામાં આવી હતી. એવું કહેવામાં આવી રહ્યું છે કે
રાષ્ટ્રપતિ રેસેપ તૈયપ એર્દોગન ટૂંક સમયમાં અલ-કુરૈશીની ધરપકડની સત્તાવાર જાહેરાત
કરી શકે છે.
મળતી માહિતી મુજબ, અબુ અલ-હસન અલ-કુરૈશીની પોલીસે ઘણી મહેનત બાદ ધરપકડ કરી હતી. પોલીસને
માહિતી મળી હતી કે અબુ અલ-હસન અલ-કુરૈશી એક ઘરમાં હાજર છે. આ પછી પોલીસે તે ઘરની
રેક શરૂ કરી. આ પછી તુર્કીની પોલીસે સંપૂર્ણ પ્લાનિંગ સાથે ઘર પર દરોડા પાડ્યા
હતા. સદનસીબે આ સમયગાળા દરમિયાન કોઈ ગોળીબાર થયો ન હતો. ઉલ્લેખનીય છે કે, ઈસ્લામિક સ્ટેટ્સના અગાઉના નેતા ફેબ્રુઆરીમાં સીરિયામાં અમેરિકાના
ઓપરેશનમાં માર્યા ગયા હતા.
કોણ છે અબુ હસન અલ-હાશિમી અલ-કુરૈશી?
મીડિયા રિપોર્ટ્સમાં ઈરાકના
ઈન્ટેલિજન્સ સૂત્રોના હવાલાથી કહેવામાં આવ્યું છે કે અબુ હસન અલ-હાશિમી અલ-કુરૈશી ISISના પહેલા નેતા અબુ બકર અલ-બગદાદીનો ભાઈ છે. ન્યૂ લાઇન્સ મેગેઝિનમાં
ફેરાસ કિલાની દ્વારા લખવામાં આવેલી પ્રોફાઇલ અનુસાર, અબુ હસન અલ-હાશિમી અલ-કુરૈશી અબ્દુલ્લા કરદાશ તરીકે વધુ જાણીતા છે.
તેનો જન્મ મોસુલથી 20 માઈલ દૂર આવેલા મહલાબિયામાં થયો હતો.
તેમનું અસલી નામ અમીર મુહમ્મદ સઈદ અલ-સલીબી અલ-માવલા છે. કુરેશીનો જન્મ 1976માં થયો હતો. તે સાત ભાઈઓમાં સૌથી નાનો છે. તેને નવ બહેનો પણ છે.
2008માં મોસુલમાંથી ધરપકડ કરવામાં આવી હતી
2008માં યુએસ સેનાએ તેની મોસુલથી ધરપકડ કરી
હતી. ત્યારબાદ તેને લાંબા સમય સુધી ડિટેન્શન સેન્ટરમાં રાખવામાં આવ્યો હતો. તેની
લાંબી પૂછપરછ કરવામાં આવી હતી. પૂછપરછ દરમિયાન, તે કહેતો રહ્યો કે તે ISISમાં જોડાયો ન
હતો, પરંતુ તેની નિમણૂક જજ તરીકે કરવામાં આવી હતી.
તેની ધરપકડના થોડા વર્ષો બાદ તેને મુક્ત કરવામાં આવ્યો હતો. છૂટ્યા બાદ તેણે ISISમાં મોટી ભૂમિકા ભજવવાનું શરૂ કર્યું. ગુપ્તચર એજન્સીઓ તેને શોધવામાં
લાગી ગઈ હતી. હવે એજન્સીઓને મોટી સફળતા મળી છે.
