ઈન્ડિયન પ્રીમિયર લીગ (IPL) 2024 સીઝન ફરી એકવાર ચેન્નાઈ સુપર કિંગ્સ (CSK) એ શાનદાર પ્રદર્શન કર્યું છે. પ્રથમ વખત રુતુરાજ ગાયકવાડના નેતૃત્વમાં આવેલી ચેન્નાઈની ટીમે સતત બીજી મેચ જીતી છે. ચેપોક સ્ટેડિયમમાં રમાયેલી મેચમાં CSK એ ગુજરાત ટાઇટન્સ (GT)ને 63 રનથી હરાવ્યું હતું. આ મેચમાં ગુજરાત ટીમના કેપ્ટન શુભમન ગિલ પાસે IPL 2023માં મળેલી હારનો બદલો લેવાની સારી તક હતી, પરંતુ કમનસીબે તે તેમ કરી શક્યો નહીં. તમને જણાવી દઈએ કે IPL 2023 ની ફાઈનલમાં ચેન્નાઈની ટીમે ગુજરાતને હરાવીને ટાઈટલ જીત્યું હતું. જે બાદ હવે બંને ટીમો સામસામે આવી ગઈ છે.
ગુજરાત માટે કોઈ બેટ્સમેન છાપ છોડી શક્યો ન હતો
આ મેચમાં ચેન્નાઈની ટીમે ટોસ હારીને પ્રથમ બેટિંગ કરીને 207 રનનો લક્ષ્યાંક આપ્યો હતો. જવાબમાં ગુજરાતની ટીમ 8 વિકેટ ગુમાવીને 143 રન જ બનાવી શકી અને મેચ હારી ગઈ. ગુજરાત તરફથી સાઈ સુદર્શને સૌથી વધુ 37 રન બનાવ્યા હતા. જ્યારે રિદ્ધિમાન સાહા અને ડેવિડ મિલર 21-21 રન બનાવીને આઉટ થયા હતા. ગુજરાતનો કોઈપણ બેટ્સમેન પોતાની છાપ છોડી શક્યો નહોતો અને ટીમ મેચ હારી ગઈ હતી. ચેન્નાઈ ટીમ તરફથી દીપક ચહર, મુસ્તફિઝુર રહેમાન અને તુષાર દેશપાંડેએ 2-2 વિકેટ લીધી હતી. જ્યારે મતિશા પથિરાના અને ડેરેલ મિશેલે 1-1 વિકેટ લીધી હતી.
ગુજરાત ઇનિંગ્સ સ્કોરકાર્ડ: (143/8, 20 ઓવર)
| ખેલાડી | રન | બોલર | વિકેટ પડી |
| શુભમન ગિલ | 8 | દીપક ચહર | 1-28 |
| રિદ્ધિમાન સાહા | 21 | દીપક ચહર | 2-34 |
| વિજય શંકર | 12 | ડેરેલ મિશેલ | 3-55 |
| ડેવિડ મિલર | 21 | તુષાર દેશપાંડે | 4-96 |
| સાંઈ સુદર્શન | 37 | મતિષા પથિરાના | 5-114 |
| અઝમતુલ્લા ઓમરઝાઈ | 11 | તુષાર દેશપાંડે | 6-118 |
| રાશિદ ખાન | 1 | મુસ્તાફિઝુર રહેમાન | 7-121 |
| રાહુલ તેવટિયા | 6 | મુસ્તાફિઝુર રહેમાન | 8-129 |
શિવમ દુબેએ તોફાની ફિફ્ટી ફટકારી હતી
ટોસ હાર્યા બાદ પ્રથમ બેટિંગ કરતા ચેન્નાઈની ટીમે 6 વિકેટ ગુમાવીને 206 રન બનાવ્યા હતા. ટીમ માટે શિવમ દુબેએ 23 બોલમાં સૌથી વધુ 51 રન બનાવ્યા હતા. આ દરમિયાન તેણે 5 સિક્સર અને 2 ફોર ફટકારી હતી. તેના સિવાય રચિન રવિન્દ્ર 20 બોલમાં 46 રન બનાવીને રાશિદ ખાનના બોલ પર સ્ટમ્પ આઉટ થયો હતો. જ્યારે કેપ્ટન રૂતુરાજ ગાયકવાડ 46 રન બનાવીને સ્પેન્સર જોન્સનના બોલ પર કેચ આઉટ થયો હતો. બીજી તરફ ગુજરાતની ટીમ તરફથી સ્પિનર રાશિદ ખાને 2 વિકેટ ઝડપી હતી. સાઈ કિશોર, મોહિત શર્મા અને સ્પેન્સર જોન્સનને 1-1 સફળતા મળી.
ચેન્નાઈ ઇનિંગ્સ સ્કોરકાર્ડ: (206/6, 20 ઓવર)
| ખેલાડી | રન | બોલર | વિકેટ પડી |
| રચિન રવિન્દ્ર | 46 | રાશિદ ખાન | 1-62 |
| અજિંક્ય રહાણે | 12 | સાંઈ કિશોર | 2-104 |
| રૂતુરાજ ગાયકવાડ | 46 | સ્પેન્સર જોહ્ન્સન | 3-127 |
| શિવમ દુબે | 51 | રાશિદ ખાન | 4-184 |
| સમીર રિઝવી | 14 | મોહિત શર્મા | 5-199 |
| ડેરેલ મિશેલ | 24 | રન આઉટ | 6-206 |
ચેન્નાઈ અને ગુજરાત વચ્ચે ટક્કર
ગુજરાતની ટીમે 2022ની સિઝનમાં IPLમાં પ્રવેશ કર્યો હતો. ત્યારપછી તેણે હાર્દિક પંડ્યાની કપ્તાની હેઠળ પહેલી જ સિઝન જીતી હતી. જ્યારે બીજી સીઝન એટલે કે 2023માં ગુજરાતને ચેન્નાઈના હાથે હારનો સામનો કરવો પડ્યો હતો. અત્યાર સુધી બંને ટીમો 5 વખત આમને-સામને આવી ચુકી છે. આ સમયગાળા દરમિયાન ગુજરાતે 3 મેચ અને ચેન્નાઈએ 2 મેચ જીતી છે. IPLમાં પ્રવેશ્યા બાદ ગુજરાતની ટીમે ચેન્નાઈની ટીમને પ્રથમ 3 મેચમાં કારમી હાર આપી હતી. પરંતુ મહેન્દ્ર સિંહ ધોનીની આ CSK ટીમે જોરદાર વાપસી કરી. પ્રથમ 3 મેચ હાર્યા બાદ તેણે સતત 2 મેચમાં ગુજરાતને હરાવ્યું છે. હવે આ મેચ જીતીને CSKની ટીમ ગુજરાત સામે જીતની હેટ્રિક લગાવવા માંગશે.
આ પણ વાંચો : RCB vs PBKS : ચાલુ મેચમાં એક દર્શક મેદાનમાં ઘુસ્યો, કોહલી સાથે કર્યું કઇંક આવું, Video
આ પણ વાંચો : Holi : IPLના ખેલાડીઓએ હોળીના રંગમાં રંગાયા,રોહિત શર્માનો Video Viral
આ પણ વાંચો : IPL Update : IPLશિડ્યૂલમાં થયો મોટો ફેરફાર,આ શહેરમાં રમાશે ફાઇનલ