UK General Election : બ્રિટનમાં 14 વર્ષ બાદ સત્તા પરિવર્તન થયું છે અને લેબર પાર્ટી સત્તા પર આવી છે. બ્રિટનની સામાન્ય ચૂંટણી (UK General Election) માં કીર સ્ટારમરની લેબર પાર્ટીને 412 અને ઋષિ સુનકની કન્ઝર્વેટિવ પાર્ટીને 121 સીટો મળી હતી. 650માંથી 648 બેઠકોના પરિણામો જાહેર થઈ ગયા છે. સુનકે હાર સ્વીકારી છે અને સ્ટારમરને તેમની જીત પર અભિનંદન પાઠવ્યા છે. આ ચૂંટણીમાં ઈંગ્લેન્ડની જનતાએ ભારતીય મૂળના નેતાઓ પર ઘણો વિશ્વાસ કર્યો છે. આ ચૂંટણીમાં 26 ભારતીયો વિજય નોંધાવવામાં સફળ રહ્યા છે. જે ગત ચૂંટણીની સરખામણીએ બમણાની નજીક છે. તમને જણાવી દઈએ કે આ પહેલા 2019ની સામાન્ય ચૂંટણીમાં 15 ભારતીયો જીત્યા હતા.
વડાપ્રધાન નરેન્દ્ર મોદીએ પણ કીર સ્ટાર્મરને તેમની શાનદાર જીત બદલ અભિનંદન પાઠવ્યા
ભારતીય મૂળના મોટાભાગના લોકો સંસદના નીચલા ગૃહ હાઉસ ઓફ કોમન્સ માટે લેબર પાર્ટીની ટિકિટ પર જીત્યા છે. વડાપ્રધાન નરેન્દ્ર મોદીએ પણ કીર સ્ટાર્મરને તેમની શાનદાર જીત બદલ અભિનંદન પાઠવ્યા છે.
લેબર પાર્ટીમાં સૌથી વધુ ભારતીયો જીત્યા
લેબર પાર્ટીના વરિષ્ઠ નેતા સીમા મલ્હોત્રાએ તેમના ફેલ્થમ અને હેસ્ટન મતવિસ્તારો પર વિશાળ માર્જિનથી જીત મેળવી છે. ગોવાના વતની અને ભૂતપૂર્વ સાંસદ કીથ વાઝની બહેન વેલેરી વાઝ વોલ્સલ અને બ્લૉક્સવિચમાં વિજયી બની છે. લિસા નંદીને વિગનમાં સફળતા મળી છે. બ્રિટિશ શીખ સાંસદો પ્રીત કૌર ગિલ, તનમનજીત સિંહ ધેસી, નવેન્દુ મિશ્રા અને નાદિયા વિટ્ટોમે પણ જીત મેળવી હતી. તે જ સમયે, જસ અઠવાલ, બેગી શંકર, સતવીર કૌર, હરપ્રીત ઉપ્પલ, વરિંદર જ્યૂસ, ગુરિન્દર જોસન, કનિષ્ક નારાયણ, સોનિયા કુમાર, સુરિના બ્રેકનબ્રિજ, કિરીથ એન્ટવિસલ, જીવન સંધર અને સોજન જોસેફ પણ ચૂંટણી જીત્યા છે.
સુનકે પણ જીત મેળવી
આઉટગોઇંગ વડા પ્રધાન ઋષિ સુનક યોર્કશાયરમાં રિચમન્ડ અને નોર્થલેર્ટન મતવિસ્તારમાં નિર્ણાયક જીત સાથે બ્રિટિશ ભારતીયોને વિજય તરફ દોરી ગયા છે. કન્ઝર્વેટિવ પાર્ટીના નેતાઓને ટોરી સાંસદ પણ કહેવામાં આવે છે. અન્ય અગ્રણી બ્રિટિશ ભારતીય ટોરી નેતાઓ ભૂતપૂર્વ ગૃહ પ્રધાન સુએલા બ્રેવરમેન અને પ્રીતિ પટેલ પણ જીત્યા છે. ગગન મહિન્દ્રાએ તેમની સાઉથ વેસ્ટ હર્ટફોર્ડશાયર સીટ જીતી હતી. જ્યારે શિવાની રાજાએ લેસ્ટર ઈસ્ટ સીટ પર જીત મેળવી હતી. તે અહીંથી ભારતીય મૂળના લેબર ઉમેદવાર રાજેશ અગ્રવાલ સામે ચૂંટણી લડી રહી હતી. લિબરલ ડેમોક્રેટ્સે તમામ ક્ષેત્રોમાં સારું પ્રદર્શન કર્યું, 60 થી વધુ બેઠકો મેળવી. આ પૈકી ભારતીય મૂળની મુનિરા વિલ્સન ટ્વિકનહામ મતવિસ્તારમાંથી ફરી જીતી છે.
કીર સ્ટાર્મર વડાપ્રધાન બન્યા
લેબર પાર્ટીના નેતા અને માનવાધિકારના હિમાયતી કીર સ્ટારમર બ્રિટનના નવા વડાપ્રધાન તરીકે ચૂંટાયા છે. સ્ટારમર શુક્રવારે બકિંગહામ પેલેસ ખાતે કિંગ ચાર્લ્સ III ને મળ્યા, ત્યારબાદ તેઓ સત્તાવાર રીતે બ્રિટનના નવા વડા પ્રધાન બન્યા. સ્ટારમેરે ભારતીય મૂળના લોકો સાથે લેબર પાર્ટીના સંબંધોમાં પરિવર્તનની હિમાયત કરી છે.
લેબર પાર્ટી તરફથી જીતેલા ભારતીયો
1. વેલેરી વેજ
2. લિસા નંદી
3. તનમજીત સિંહ
4. નવેન્દુ મિશ્રા
5. નાદિયા વિટ્ટોમ
6. જસ અઠવાલ
7. બાગી શંકર
8. સતવીર કૌર
9. હરપ્રીત ઉપ્પલ
10. વરિન્દર જસ
11. ગુરિન્દર જોસન
12. કનિષ્ક નારાયણ
13. સોનિયા કુમાર
14. સુરિના બ્રેકનબ્રિજ
15. કિરીથ એન્ટવિસલ
16. જીવુન સંધર
17. સોજન જોસેફ
કન્ઝર્વેટિવ પાર્ટીના વિજેતા ભારતીય ઉમેદવારો
1. ઋષિ સુનક
2. સુએલા બ્રેવરમેન
3. પ્રીતિ પટેલ
4. ગગન મોહિન્દ્રા
5. શિવાની રાજા
અન્ય પક્ષોના વિજેતા ભારતીયો
1.મુનિરા વિલ્સન
2. નિગેલ ફરાજ
આ પણ વાંચો—-– Shivani Raja : બ્રિટનની સામાન્ય ચૂંટણીમાં દીવના શિવાની રાજાનો ભવ્ય વિજય