Damaging Bacteria in Japan : કોરોનાકાળમાં સમગ્ર દુનિયા ખૂબ જ પરેશાન થઇ હતી. આ સમયગાળામાં લોકોએ પોતાના સ્વજનોને પોતાની નજર સમક્ષ મરતા જોયા છે. જોકે, તાજેતરમાં કોરોનાથી લોકોને રાહત મળી છે, પણ હવે અવનવી બિમારીઓના નામ સામે આવી રહ્યા છે. જેમા તાજેતરમાં એક બિમારીએ જાપાનમાં દહેશત મચાવી છે. આ બિમારી કેટલી ખતરનાક છે તેનો અંદાજો તે વાત પરથી લગાવી શકાય છે કે આ જેને પણ થાય છે તે વ્યક્તિની મોત 2 દિવસમાં થઇ જાય છે. જાપાનમાં આ રોગના લગભગ 1000 કેસ નોંધાયા છે, જ્યારે બાળકો અને વૃદ્ધો જોખમમાં હોવાનું કહેવાય છે.
વ્યક્તિનું 48 કલાકની અંદર મૃત્યુ
કોરોના વાયરસ હજુ સુધી સંપૂર્ણ રીતે નાબૂદ થયો નથી, ત્યારે હવે એક ખતરનાક ટિશ્યુ ડેમેજ બેક્ટેરિયાએ દસ્તક આપી છે. આ બેક્ટેરિયા શરીરના પેશીઓનો નાશ કરે છે. આ જ કારણ છે કે તેનાથી પ્રભાવિત વ્યક્તિનું 48 કલાકની અંદર મૃત્યુ થઈ જાય છે. વૈજ્ઞાનિકોએ આ રોગને સ્ટ્રેપ્ટોકોકલ ટોક્સિક શોક સિન્ડ્રોમ (STSS) નામ આપ્યું છે. જાપાન સહિત 6 દેશોમાં ઘણા કેસ નોંધાયા છે. જણાવી દઇએ કે, બેક્ટેરિયાથી થતા રોગ માનવ શરીર પર હુમલો કરે છે અને ધીમે ધીમે તેનું માંસ ખાવાનું શરૂ કરે છે. રિપોર્ટ અનુસાર આ બેક્ટેરિયા માંસ ખાનાર હોવાનું કહેવાય છે. જો કે, તે સીધું માંસ ખાતું નથી, પરંતુ શરીરના પેશીઓનો નાશ કરે છે. આને માંસ ભક્ષણ કહેવાય છે. વિજ્ઞાનમાં, પેશીઓને મારી નાખવાની પ્રક્રિયાને નેક્રોટાઇઝિંગ ફાસીટીસ કહેવામાં આવે છે. કહેવામાં આવી રહ્યું છે કે, આ રોગ હવે યુરોપના 5 દેશોમાં ફેલાયો છે. જેમાં બ્રિટન, ફ્રાન્સ, આયર્લેન્ડ, નેધરલેન્ડ અને સ્વીડનનો સમાવેશ થાય છે. એવું કહેવામાં આવી રહ્યું છે કે આ રોગ ગ્રુપ A સ્ટ્રેપ્ટોકોકસ (GAS) બેક્ટેરિયાથી થાય છે. તે બાળકો અને વૃદ્ધો માટે સૌથી ખતરનાક માનવામાં આવે છે.
- જાપાનમાં ખતરનાક બીમારીથી દહેશત
- STSSના કારણે બે દિવસમાં જ મોત થઈ શકે
- માંસ ખાનારા બેક્ટેરિયાથી થાય છે બીમારી
- કોરોના પ્રતિબંધ હટ્યા બાદ ફેલાવો વધ્યો
- નેશનલ ઈન્સ્ટિ. ઓફ ઈન્ફેક્શન ડિસીઝના ડેટા
- ચાલુ વર્ષે જાપાનમાં કુલ 977 કેસ નોંધાયા
આ બેક્ટેરિયા શું છે?
જાપાનની નેશનલ ઈન્સ્ટિટ્યૂટ ઓફ ઈન્ફેક્શન ડિસીઝના જણાવ્યા અનુસાર આ બેક્ટેરિયાનું નામ ‘સ્ટ્રેપ્ટોકોકસ’ છે. તેની ઓળખ સૌપ્રથમ 1999માં જાપાનમાં થઈ હતી. તેના બે પ્રકારો છે, પ્રથમ ગ્રુપ-એ સ્ટ્રેપ્ટોકોકસ અને બીજું ગ્રુપ-બી સ્ટ્રેપ્ટોકોકસ છે. તેમાંથી મોટાભાગના કેસો માત્ર ગ્રુપ-એ સ્ટ્રેપ્ટોકોકસમાં જ જોવા મળે છે. તે બાળકો અને વૃદ્ધો માટે સૌથી ખતરનાક છે. કેટલાક કિસ્સાઓમાં તે તેના પોતાના પર ઉકેલે છે, પરંતુ મોટે ભાગે તે ગંભીર પરિણામો તરફ દોરી જાય છે.
આ રોગના કયા લક્ષણો છે?
આ રોગમાં, જો કોઈ વ્યક્તિને ચેપ લાગે છે, તો ચેપગ્રસ્ત લોકોને પહેલા સોજો અને ગળામાં દુખાવો થાય છે, આ ઉપરાંત, શરીરનો દુખાવો, તાવ, લો બીપી, નેક્રોસિસ (શરીરની પેશીઓ મરી જાય છે), શ્વાસ લેવામાં તકલીફ થાય છે. મૃત્યુ પણ થોડા કલાકો પછી થાય છે. કહેવામાં આવી રહ્યું છે કે આ સંક્રમણના ફેલાવાને કારણે 2500થી વધુ લોકોના મોત થશે અને આ જ આંકડો 30 ટકા વધશે.
આ પણ વાંચો – China : ઝડપથી ફેલાઇ રહી છે રહસ્યમય બિમારી, ભારત સરકાર પણ એલર્ટ
આ પણ વાંચો – 3.5 કરોડ ભારતીયો પર મોતનું સંકટ, આ રોગના કારણે પ્રતિ મિનિટ 3 લોકોનાં મોત, WHO ની ચેતવણી