ભારતમાં એરલાઇન્સ કંપનીઓ છેલ્લા કેટલાક વર્ષોથી બિઝનેસ માટે સંઘર્ષ કરી રહી છે. આ દરમિયાન કંપનીઓને પહેલા નુકસાન થાય છે અને પછી ધીમે-ધીમે તેમને પોતાનો બિઝનેસ સમેટી લેવાની ફરજ પડે છે. પરંતુ આ દરમિયાન ઈન્ડિગો એરલાઈન્સનો બિઝનેસ ઝડપથી આગળ વધી રહ્યો છે.
ઈન્ડિગો નામની ખાનગી ક્ષેત્રની સૌથી મોટી એરલાઈન્સ ઓપરેટર ઈન્ટરગ્લોબ એવિએશને વિમાન ખરીદવાનો દુનિયાનો સૌથી મોટો સોદો કર્યો છે. ઈન્ડિગો 500 નવા એરબસ A320 ફેમિલી એરક્રાફ્ટ ખરીદવા જઈ રહી છે. કોઈપણ ભારતીય એરલાઈન્સ દ્વારા એકસાથે ડિલિવરી કરાયેલા સૌથી વધુ સંખ્યામાં એરક્રાફ્ટનો આ ઓર્ડર છે. આ એરક્રાફ્ટ 2030 અને 2035ની વચ્ચે ડિલિવર થવાની અપેક્ષા છે.
A320 એરક્રાફ્ટ ફેમિલી એરબસ દ્વારા સિંગલ-પાંખના વિમાનોની મુખ્ય શ્રેણી છે. ઇન્ડિગો તેની પ્રાદેશિક ઉડાન માટે આશરે 40 ટર્બોપ્રોપ વિમાનોનો ઉપયોગ કરે છે તેને બાદ કરતા કેરિયરનો જેટનો સંપૂર્ણ સિંગલ-પાંખનો કાફલો A320 ફેમિલી એરક્રાફ્ટનો બનેલો છે. આ એરલાઇન તમામ ભારતીય એરલાઇન્સમાં સૌથી મોટો કાફલો ધરાવે છે અને સ્થાનિક બજારમાં (મુસાફરો દ્વારા ફેરી કરવામાં આવેલા) 60 ટકાથી વધુ હિસ્સો ધરાવે છે.
વિશ્વની કોઈપણ એરલાઈન્સ દ્વારા આપવામાં આવેલો આ સૌથી મોટો ઓર્ડર હતો. અગાઉ આ રેકોર્ડ અમેરિકન એરલાઇન્સ પાસે હતો જેણે 2011માં એરબસ અને બોઇંગ પાસેથી 460 એરક્રાફ્ટનો ઓર્ડર આપ્યો હતો. પરંતુ હવે ઈન્ડિગોએ આ રેકોર્ડ તોડી નાખ્યો છે. કોઈ કંપનીને આપવામાં આવેલો આ અત્યાર સુધીનો સૌથી મોટો ઓર્ડર છે. કંપનીનું કહેવું છે કે આગામી 10 વર્ષમાં તે કુલ 1000 એરક્રાફ્ટનો ઓર્ડર આપશે.
આ પણ વાંચો : PM મોદીની USA મુલાકાત પર જાણો શું કહે છે અમેરિકામાં રહેતા ભારતીયો