સુરતના ચોક બજાર પોલીસ સ્ટેશન હદ વિસ્તારમાં સાડા 4 વર્ષની નાની બાળકીનું અપહરણ થયું હોવાની ઘટના બાદ પોલીસ દોડતી થઇ હતી. પોલીસે તાત્કાલિક બાળકીને શોધી કાઢી હતી. બાળકી લોહી લુહાણ હાલતમાં મળતા પોલીસ દ્વારા તેને સારવાર માટે હોસ્પિટલમાં ખસેડવામાં આવી હતી. જ્યા બાળકી સાથે દુષ્કર્મ થયું હોવાની પોલીસને જાણ થતા પોલીસે બાળકીનું અપહરણ કરનાર અને તેની સાથે દુષ્કર્મ આચરનાર નરાધમની શોધખોળ શરૂ કરી હતી.ચોકબજાર પોલીસ અને ક્રાઈમ બ્રાન્ચની ટીમો દ્વારા સીસીટીવી ફૂટેજના આધારે બાળકી સાથે દુષ્કર્મ કરનારા અંકિત ઓમ પ્રકાશ ગૌતમ નામના નરાધમની પોલીસે ધરપકડ કરી વધુ તપાસ હાથ ધરવામાં આવી છે.
સાડા ચાર વર્ષની બાળકીનું કરાયું અપહરણ
સુરતના ચોક બજાર પોલીસ સ્ટેશન હદ વિસ્તારમાં 20 ફેબ્રુઆરીના રોજ પંડોળ વિસ્તાર માંથી એક સાડા ચાર વર્ષની બાળકી ઘરેથી રમતા રમતા અચાનક ગુમ થઈ હોવાની ફરિયાદ ચોક બજાર પોલીસ સ્ટેશનમાં નોંધાઇ હતી. ત્યારે આ સમગ્ર મામલે તાત્કાલિક અસરથી ચોક બજાર પોલીસ અપહરણનો ગુનો દાખલ કરવામાં આવ્યો હતો અને બાળકીની શોધખોળ હાથ ધરવામાં આવી હતી. બાળકીના ગુમ થવાની ગંભીરતા જણાતા તપાસમાં સુરત ક્રાઈમ બ્રાન્ચ પણ જોડાયું હતું. વિવિઘ જગ્યાએ પૂછપરછ કાર્ય બાદ સીસીટીવી કેમેરાની તપાસ કરતા એક નરાધમ બાળકીનું અપહરણ કરી લઈ જતો હોવાનું ધ્યાન પર આવ્યું હતું.
બાળકી ઇન્ડસ્ટ્રીયલ વિસ્તારમાંથી લોહી લુહાણા હાલતમાં મળી
ત્યારબાદ પોલીસની ટીમને બાળકી ઇન્ડસ્ટ્રીયલ વિસ્તારમાંથી લોહી લુહાણા હાલતમાં મળી આવતા તેને તાત્કાલિક હોસ્પિટલમાં લઈ જવામાં આવી હતી.જ્યાં ડોક્ટરની તપાસમાં બાળકી સાથે દુષ્કર્મમાં થયું હોવાનું સામે આવતા તાત્કાલિક જ પોલીસ દ્વારા બાળકી સાથે દુષ્કર્મ કરનાર નરાધમની શોધખોળ કરવામાં આવી હતી અને અલગ અલગ સીસીટીવી ફૂટેજની તપાસના આધારે અને બાળકીના ઘરથી અખંડાનંદ કોલેજ પાસેના તમામ ઇન્ડસ્ટ્રીયલ એરિયામાં અને અવાવરું જગ્યાઓ પર ક્રાઈમ બ્રાન્ચ દ્વારા તપાસ હાથ ધરવામાં આવી અને તપાસ દરમિયાન બાળકીના કપડા મળી આવ્યા હતા.ત્યારબાદ પોલીસે બાતમીના આધારે બાળકી સાથે દુષ્કર્મ કરનાર નરાધમ અંકિત ઓમ પ્રકાશ ગૌતમની ધરપકડ કરી હતી.
પોલીસના જણાવ્યા પ્રમાણે બાળકી ની સાથે દુષ્કર્મ કરનાર આરોપીની પૂછપરછમાં સામે આવ્યું હતું કે આરોપી છેલ્લા દસ વર્ષથી સુરતમાં રહેતો હતો અને એમ્બ્રોડરીના ખાતામાં કામ કરતો હતો. 20 ફેબ્રુઆરી 2024 ના રોજ તે પંડોળ વિસ્તારમાં ફરતો હતો ત્યારે તેને આ બાળકી ઘર નજીક રમતી દેખાઈ હતી અને ત્યારબાદ તે બાળકીને ચોકલેટની લાલચ આપીને પોતાની સાથે લઈ ગયો હોવાની તેણે પોલીસ સમક્ષ કબૂલાત કરી છે અને અવાવરું જગ્યા પર જઈ બાળકી સાથે દુષ્કર્મ કર્યું હતું. બાળકી રડવા લાગતા તે બાળકીને ઘટના સ્થળ પર મૂકીને ફરાર થઈ ગયો હતો. આરોપી અંકિત ઓમ પ્રકાશ ગૌતમ મૂળ ઉત્તર પ્રદેશના કાનપુર જિલ્લાના સિરસા ગામનો વતની છે.સમગ્ર મામલે હાલ પોલીસે બાળકી સાથે દુષ્કર્મ કરનાર નરાધમ અંકિત ઓમ પ્રકાશ ગૌતમની ધરપકડ કરી કાર્યવાહી હાથ ધરવામાં આવી છે.
અહેવાલ – રાબિયા સાલેહ
આ પણ વાંચો — માનસિક દિવ્યાંગ પુત્ર પરત ન ફરતાં પિતા અને બહેને પોસ્ટર લઈ શોધખોળ હાથ ધરી
