લીલાં લસણનું શાક બનાવવા માટેની સામગ્રી:
250 ગ્રામ લીલું લસણ
2 મોટી ચમચી ચણાનો લોટ
2 મોટા ચમચા તેલ
1 ચમચી લાલ મરચું પાવડર
પા ચમચી હળદર
પા ચમચી હીંગ
મીઠું સ્વાદાનુસાર
પા ગ્લાસ પાણી
લીલાં લસણનું શાક બનાવવાની રીત…
- સૌ પ્રથમ લસણને સાફ કરી નાનાં નાનાં ટુકડામાં કાપી ચોખ્ખા પાણી થી બે ત્રણ વખત ધોઈ નિતરવા માટે થોડી વાર રાખી દો.
- હવે એક વાસણમાં તેલ ગરમ કરવા મૂકો.
- તેલ ગરમ થઇ જાય એટલે હીંગનો વઘાર કરી લસણને વઘારો.
- હવે બધાં મસાલા નાખીને બરાબર મિક્ષ કરી થોડુ પાણી નાખીને ઉકળવા દો.
- આઠ થી દસ મિનિટ થવા દો.
- પછી ચણાનો લોટ નાખીને બરાબર મિક્ષ કરો.
- નીચે લોઢી મૂકીને ઊપર શાકનું વાસણ મૂકી પાંચ મિનિટ થવા દો.જેથી લોટ પાકી જાય.
- પછી ગેસ બંધ કરી દો અને તેને એમ જ રહેવા દો.
- થોડીવાર પછી સર્વ કરો.
- તો તૈયાર છે સ્વાદિષ્ટ લીલાં લસણનું શાક..