બિહારી કારેલાની સબ્જી બનાવવા માટેની સામગ્રી:
250 ગ્રામ કારેલા
1 ટામેટું
1બટેટું
1 ડુંગળી
તેલ
મીઠું
રોજીંદા મસાલા
1 ચમચી ગોળ
5 કળી લસણ
બિહારી કારેલાની સબ્જી બનાવવા માટેની રીત :
- સૌ પ્રથમ કારેલાની ઉપરની છાલ કાઢી તેનાં નાનાં કટકા કરી મીઠું નાખી થોડીવાર રહેવા દો.
- હવે ટામેટું, ડુંગળી અને બટેટાને ઝીણાં સમારી લો.
- હવે એક કડાઈમાં તેલ મૂકી રાઈ-જીરુંનો વઘાર કરી તેમાં ડુંગળી ટામેટાં અને બટેટા સાંતળો.
- થોડીવાર પછી કારેલાને બે હાથથી નિચોવીને કડાઈમાં ઉમેરી થોડું મીઠું નાખી ધીમા તાપે ચડવા દો.
- બધું શાક બરાબર ચડી જાય એટલે તેમાં ગોળ, હળદર, ધાણાજીરું અને મરચું તેમજ લસણની પેસ્ટ ઉમેરી 2 મિનિટ હલાવતા રહો. તો તૈયાર છે બિહારી સ્ટાઈલ કારેલાની સબ્જી.