ટીમ ઈન્ડિયા (Team India)ના સ્ટાર ક્રિકેટર હાર્દિક પંડ્યા (Hardik Pandya) હાલ બ્રેક પર છે. મીડિયા રિપોર્ટ્સ અનુસાર, હાર્દિક પંડ્યા ફરીથી લગ્ન કરવા માટે તૈયાર છે. હાર્દિક પંડ્યાએ વર્ષ 2020માં બોલીવુડ અભિનેત્રી નતાશા સ્ટેનકોવિક (Natasha Stankovic) સાથે કોર્ટ મેરેજ કર્યા હતા. આ કપલ એક બાળક અગસ્ત્યના માતા-પિતા પણ છે.
હાર્દિક પંડ્યા ફરી લગ્ન કરવા જઈ રહ્યો છે
મીડિયા રિપોર્ટ્સ અનુસાર, હાર્દિક પંડ્યા અને નતાશા સ્ટેનકોવિક ફરીથી એકબીજા સાથે લગ્ન કરવા જઈ રહ્યા છે. અહેવાલ મુજબ, આ કપલ 14 ફેબ્રુઆરીએ ઉદયપુરમાં એક ભવ્ય સમારોહમાં લગ્ન કરશે. હાર્દિક પંડ્યા અને નતાશા સ્ટેનકોવિકના લગ્ન સમારોહ 13 ફેબ્રુઆરીથી શરૂ થશે અને 16 સુધી ચાલશે.
અગાઉ કોર્ટમાં લગ્ન કર્યા હતા
સૂત્રોના જણાવ્યા અનુસાર, ‘હાર્દિક પંડ્યા અને નતાશા સ્ટેનકોવિકે અગાઉ કોર્ટમાં લગ્ન કર્યા હતા. જ્યારે તે બન્યું ત્યારે બધું ઉતાવળમાં હતું. ત્યારથી તેના મનમાં ભવ્ય લગ્નનો વિચાર આવ્યો. તે તેને લઈને ખૂબ જ ઉત્સાહિત છે. આ ફંક્શનમાં પીઠી, મહેંદી અને સંગીત થશે. તેની તૈયારીઓ ગયા વર્ષે નવેમ્બરમાં શરૂ થઈ હતી.
કોણ છે નતાશા સ્ટેનકોવિક?
નતાશા સ્ટેનકોવિકે ફિલ્મોમાં કામ કર્યું છે. તે વર્ષ 2014માં બિગ બોસની સીઝન 8માં જોવા મળી હતી. નતાશાએ સત્યાગ્રહ, ડેડી અને ફુકરે રિટર્ન્સમાં કામ કર્યું છે. 2018માં નતાશા શાહરૂખ ખાનની ઝીરોમાં કેમિયો રોલમાં જોવા મળી હતી. 2019 માં, નતાશાએ ઋષિ કપૂર અને ઈમરાન હાશ્મીની ધ બોડીમાં આઈટમ નંબર કર્યો હતો. નતાશા સ્ટેનકોવિક યુવાનોમાં ખૂબ જ લોકપ્રિય છે. નતાશા સોશિયલ મીડિયા પર ઘણી એક્ટિવ રહે છે. નતાશા તેની હોટનેસ અને ગ્લેમર માટે જાણીતી છે.
આ પણ વાંચો–Women’s T20 World Cupમાં આજે ટકરાશે ભારત-પાક
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.