Gold Price Today : સોનાના ભાવમાં (Gold Price Today) ઐતિહાસિક તેજીનો દોર યથાવત્ છે. આજે ફરી એકવાર સોના અને ચાંદીની (Silver) ચળકાટ વધી હતી. સોનાનો 10 ગ્રામનો ભાવ 72000ની સપાટીને કૂદાવી જતાં 72300 રૂપિયાને સ્પર્શી ગયો હતો. જ્યારે આંતરરાષ્ટ્રીય બજારની વાત કરીએ તો ત્યાં પણ સોનાએ 2300 ડૉલરની સપાટી કૂદાવી હતી.
ચાંદીની પણ ચળકાટ વધી
આ સાથે ચાંદીની પણ ચમક વધતાં તેનો કિલોનો ભાવ ગઈ કાલે 78500 રૂપિયાની સપાટીને કૂદાવી ગયો હતો. જ્યારે આજે સ્થાનિક બુલિયન માર્કેટમાં ચાંદીની કિંમત 80700 રૂપિયા પ્રતિ કિલોએ પહોંચી ગઇ છે. ઉલ્લેખનીય છે કે સોના અને ચાંદીના ભાવમાં છેલ્લાં ઘણાં દિવસોથી જાણે બુલ રન ચાલી રહોય તેમ આગ ઝરતી તેજી જોવા મળી રહી છે. સોનાનો ભાવ તો ઓલ ટાઈમ હાઈને સ્પર્શી ગયો છે.
સોનાનો ભાવ આટલો કેમ વધ્યો?
સોનામાં ઉછાળાનું કારણ યુએસ સેન્ટ્રલ બેંક ફેડરલ રિઝર્વના ચેરમેન જેરોમ પોવેલનું નિવેદન છે. તેમણે કહ્યું છે કે અમેરિકામાં મોંઘવારી હજુ પણ લક્ષ્ય કરતાં વધુ છે પરંતુ વ્યાજ દરમાં ઘટાડો આ વર્ષે ગમે ત્યારે શરૂ થઈ શકે છે. પોવેલે કેલિફોર્નિયાની સ્ટેનફોર્ડ યુનિવર્સિટીમાં બુધવારના તેમના ભાષણમાં આનો સંકેત આપ્યો હતો. વ્યાજ દરમાં ઘટાડો સોના અને ચાંદી માટે સારો છે. તેથી સોનાના ભાવમાં સતત વધારો થઈ રહ્યો છે.
ભારતમાં સોનાનો દર કેટલો છે?
જો આપણે MCX એક્સચેન્જ પર સોનાના દર પર નજર કરીએ તો 5 એપ્રિલનો સંપર્ક રૂ. 221ના વધારા સાથે રૂ. 69,999 પર ટ્રેડ થઈ રહ્યો છે. તે જ સમયે, 3 મેનો ચાંદીનો સંપર્ક 186 રૂપિયાના વધારા સાથે 79630 રૂપિયા પર પહોંચી ગયો છે. સ્થાનિક બુલિયન માર્કેટમાં સોનું 69,200 રૂપિયા પ્રતિ 10 ગ્રામના નવા રેકોર્ડ સ્તરે પહોંચી ગયું છે. ચાંદીની કિંમત 80,700 રૂપિયા પ્રતિ કિલોએ પહોંચી ગઈ છે.યુએસ ફેડના નિર્ણય બાદ સોનામાં અચાનક તેજી આવી છે અને તેમાં 8000 રૂપિયાનો વધારો થયો છે. છેલ્લા 6 મહિનામાં તેમાં 23%નો વધારો થયો છે અને માર્ચની રેલીને ધ્યાનમાં રાખીને હવે તે 72,500 રૂપિયા પ્રતિ દસ ગ્રામ સુધી પહોંચી શકે છે.
આ પણ વાંચો – Gold Record High : સોનાના ભાવે ફરી વટાવી સર્વોચ્ચ સપાટી, જાણો 10 ગ્રામનો ભાવ કેટલો થયો
આ પણ વાંચો – SHARE MARKET : શેરબજારમાં ઔતિહાસિક તેજી, સેન્સેક્સ-નિફ્ટીએ નવા રેકોર્ડ પર ખુલ્યું
આ પણ વાંચો – Gold Rate Today : સોનાના ભાવમાં તેજી,જાણો 10 ગ્રામનો ભાવ કેટલો થયો
