દેશ અને દુનિયાના જાણીતા અને દિગ્ગજ ઉદ્યોગપતિ ગૌતમ અદાણીએ ફરીથી વિશ્વના 20 સૌથી ધનિક લોકોની યાદીમાં પોતાની જગ્યા બનાવી લીધી છે. લગભગ બે મહિના સુધી ઘટ્યા બાદ અદાણી ગ્રુપની કંપનીઓના શેર 80 ટકાથી વધુ તૂટ્યા હતા. તેના કારણે વિશ્વના ટોચના અબજોપતિઓમાં સ્થાન મેળવનાર ગૌતમ અદાણીની નેટવર્થમાં પણ ઘટાડો થયો હતો. જો કે, હવે ફરી એકવાર ગૌતમ અદાણી તેમની એ જ સ્થિતિમાં પરત ફર્યા છે. અબજોપતિ ગૌતમ અદાણીએ એશિયામાં બીજા નંબરના સૌથી ધનિક હોવાનો ખિતાબ મેળવ્યો છે.
એશિયાના બીજા સૌથી અમીર વ્યક્તિ બન્યા
બ્લૂમબર્ગ બિલિયોનેર ઈન્ડેક્સની તાજેતરની યાદીમાં તેમને 20મું સ્થાન આપવામાં આવ્યું છે. હાલમાં તેઓ એશિયાના બીજા સૌથી અમીર વ્યક્તિ બની ગયા છે. બ્લૂમબર્ગ બિલિયોનેર ઇન્ડેક્સના અહેવાલમાં જણાવાયું છે કે ગૌતમ અદાણીની કુલ સંપત્તિ $64.3 બિલિયન છે. તેમની સંપત્તિમાં $975 મિલિયનનો વધારો થયો છે. સમાચાર અનુસાર, બુધવારે ગૌતમ અદાણી સૌથી વધુ કમાણી મામલે બીજા સ્થાને આવી ગયા છે. સૌથી વધુ કમાણી કરનારાઓની યાદીમાં અમેરિકાના માઈકલ ડેલનું નામ હતું. તેણે $1.22 બિલિયનની કમાણી કરી. બુધવારે તે એકમાત્ર અમીર વ્યક્તિ હતા જેમની કમાણી $1 બિલિયનને વટાવી ગઈ હતી.
હિંડનબર્ગ રિપોર્ટ બહાર આવ્યા બાદ ગુમાવી હતી પોઝિશન
ગૌતમ અદાણી આ વર્ષની શરૂઆતમાં દુનિયાના ત્રીજા સૌથી અમીર વ્યક્તિ બની ગયા હતા. પરંતુ જાન્યુઆરી 2023માં હિંડનબર્ગ રિપોર્ટ બહાર આવ્યા બાદ શેરબજારમાં લિસ્ટેડ 10 કંપનીઓના શેરના ભાવમાં ભારે ઘટાડો જોવા મળ્યો હતો. પરિણામે, તેમની સંપત્તિ $150 બિલિયનથી ઘટીને $64.3 બિલિયન થઈ ગઈ. એવું માનવામાં આવે છે કે અદાણીને તેનું જૂનું સ્થાન પાછું મેળવવામાં ઘણો સમય લાગશે.
આ અબજોપતિને સૌથી વધુ નુકસાન થયું છે
બુધવારે યુએસ શેરબજારમાં જોરદાર ઘટાડો જોવા મળ્યો હતો. એલોન મસ્ક, લેરી પેજ, જેફ બેઝોસ અને સેર્ગેઈ બ્રિન જેવા ઘણા દિગ્ગજ અબજોપતિઓની કુલ સંપત્તિમાં ભારે ઘટાડો જોવા મળ્યો હતો. આમાં સૌથી વધુ નુકસાન બર્નાર્ડ આર્નોલ્ટને થયું, જેમણે $4.39 બિલિયનની નેટવર્થ ગુમાવી. અન્ય અબજોપતિઓ જેમની કુલ સંપત્તિમાં ઘટાડો થયો છે તેમાં એલોન મસ્કની $3.27 બિલિયન, જેફ બેઝોસની $1.99 બિલિયનનો સમાવેશ થાય છે.
આ પણ વાંચો – જો કરશો આટલું કામ તો નહીં આવે વીજળીનું બિલ, કોઇ રોકાણની પણ નહીં પડે જરૂર…!
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.