આજ રોજ 2 નવેમ્બરના રોજ બોલીવુડના પ્રખ્યાત અભિનેતા શાહરુખ ખાન તેમનો 58 મો જન્મદિવસ ઉજવી રહ્યા છે. શાહરૂખ ખાનના ચાહકો દર વર્ષે આ દિવસે તેના ઘર મન્નતની આગળ એકઠા થતા હોય છે. આ જન્મદિવસે પણ શાહરુખના ચાહકો તેમના મનગમતા કલાકારને જન્મદિવસની શુભેચ્છા પાઠવવા માટે એકઠા થયા હતા. બુધવારે સાંજે મન્નતની આસપાસ મોટી સંખ્યામાં ફેન્સની ભીડ મન્નતની આગળ એકઠી થવા લાગી હતી. શાહરુખ એ તેના ચાહકોને નિરાશ ન કર્યા અને અડધી રાત્રે તેમના ઘરની બહાર આવી ફેન્સ સાથે જન્મદિવસની ઉજવણી કરી હતી.
મન્નતની બાઉન્ડ્રી વોલ પરથી ચાહકોને શુભેચ્છા પાઠવતા શાહરુખ ખાન
મન્નતની બાઉન્ડ્રી વોલ પરથી ચાહકોને શુભેચ્છા પાઠવતા અભિનેતાના કેટલાક વીડિયો અને તસવીરો ઈન્ટરનેટ પર પહેલેથી જ ચર્ચામાં છે. વાયરલ વીડિયોમાં, જવાન સ્ટાર કાર્ગો સાથે કેઝ્યુઅલ રાઉન્ડ-નેક બ્લેક ટી-શર્ટ પહેરેલો જોઈ શકાય છે. તેણે એવિએટર સનગ્લાસ અને કેપ સાથે જોવા મળ્યા હતા.
શાહરુખે ચાહકોને પ્રેમ આપવા બદલ આભાર વ્યક્ત કર્યો
મધ્યરાત્રિએ ચાહકોને અભિવાદન કર્યા પછી, SRK એ તેના X એકાઉન્ટ પર તેના ચાહકોનો પ્રેમ બદલ આભાર વ્યક્ત પોતાની પોસ્ટમાં, તેણે લખ્યું, ”આ અવિશ્વસનીય છે કે તમારામાંથી ઘણા મોડી રાત્રે આવે છે અને મને શુભેચ્છા પાઠવે છે. હું માત્ર એક અભિનેતા છું. હું તમારું થોડું મનોરંજન કરી શકું એ હકીકત કરતાં મને કંઈ વધુ ખુશ કરતું નથી. હું તમારા પ્રેમના સ્વપ્નમાં જીવું છું. મને તમારા બધાનું મનોરંજન કરવાની મંજૂરી આપવા બદલ આભાર”
શાહરુખે બીજા દિવસે સવારે ફરીથી મળવાનો આપ્યો ઈશારો
શાહરુખે તેમના ફેન્સને અંતે રાત્રે મોડું થઈ ગયું હોવાથી સૂઈ જવા માટે સંદેશ આપ્યો હતો અને તેમને એ પણ જાણ કરી કે તે બીજા દિવસે સવારે ફરીથી તેઓને ઑનસ્ક્રીન અને ઑફસ્ક્રીન મળશે.
આ પણ વાંચો — ગુજરાતી ફિલ્મો-પ્રમોશનના અભાવે ટાંયટાંય ફીશ
ગુજરાત ફર્સ્ટ તમને સમાચારોથી હંમેશા અવગત રાખશે