ચંદ્રના દક્ષિણ ધ્રુવ પર ઈતિહાસ રચ્યા બાદ ઈસરો હવે સૂર્ય તરફ આગળ વધી રહ્યું છે. ભારતના પ્રથમ સૌર મિશન (solar mission) ‘આદિત્ય-એલ1’ (Aditya-L1)ના લોન્ચનું કાઉન્ટડાઉન શરૂ થઈ ગયું છે. ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ જણાવ્યું કે તેને શનિવારે (2 સપ્ટેમ્બર) સવારે 11.50 વાગ્યે આંધ્ર પ્રદેશના શ્રીહરિકોટાથી PSLVથી લોન્ચ કરવામાં આવશે.
આદિત્ય એલ-1 પૃથ્વીથી લગભગ 1.5 મિલિયન કિમી દુર હશે
શુક્રવારે (1 સપ્ટેમ્બર)ના રોજ આ મિશન સંબંધિત માહિતી આપતી વખતે, ISRO એ સોશિયલ મીડિયા પ્લેટફોર્મ પર પોસ્ટ કર્યું કે આદિત્ય એલ-1 પૃથ્વીથી લગભગ 1.5 મિલિયન કિમી દુર સૂર્યની તરફ નિર્દેશીત રહેશે, જે પૃથ્વી અને સૂર્યની દુરીથી લગભગ 1 ટકા છે.
શું આદિત્ય-L1 સૂર્ય પર ઉતરશે?
ભારતીય અવકાશ એજન્સીએ વધુમાં જણાવ્યું હતું કે, “સૂર્ય ગેસનો વિશાળ દડો છે અને આદિત્ય-L1 સૂર્યના બાહ્ય વાતાવરણનો અભ્યાસ કરશે. આદિત્ય-L1 ન તો સૂર્ય પર ઉતરશે અને ન તો સૂર્યની નજીક આવશે.” ISRO એ બે ગ્રાફ દ્વારા આ મિશન વિશે વધુ વિગતવાર માહિતી આપી.
PSLV-C57/Aditya-L1 Mission:
The 23-hour 40-minute countdown leading to the launch at 11:50 Hrs. IST on September 2, 2023, has commended today at 12:10 Hrs.The launch can be watched LIVE
on ISRO Website https://t.co/osrHMk7MZL
Facebook https://t.co/zugXQAYy1y
YouTube…— ISRO (@isro) September 1, 2023
યાનને હોલો ઓર્બિટમાં મૂકવામાં આવશે
આદિત્ય-L1 મિશનમાં, અવકાશયાનને લેગ્રેન્જ પોઈન્ટ-1 (L-1)ની આસપાસ હોલો ઓર્બિટમાં મૂકવામાં આવશે. તે પૃથ્વીથી લગભગ 1.5 લાખ કિમી દૂર છે. L-1 બિંદુ ગ્રહણથી પ્રભાવિત નથી અને આ સ્થાનથી સૂર્ય સતત જોઈ શકાય છે.
PSLV-C57/Aditya-L1 Mission:
The preparations for the launch are progressing.The Launch Rehearsal – Vehicle Internal Checks are completed.
Images and Media Registration Link https://t.co/V44U6X2L76 #AdityaL1 pic.twitter.com/jRqdo9E6oM
— ISRO (@isro) August 30, 2023
લોન્ચિંગ પહેલા ઇસરો ચીફ મંદિર પહોંચ્યા હતા
ISRO એ આદિત્ય-L-1 મિશનનું લોન્ચિંગ રિહર્સલ અને રોકેટની આંતરિક તપાસ બુધવારે (30 ઓગસ્ટ) પૂર્ણ કરી હતી. ઈસરોના વડા એસ સોમનાથે કહ્યું છે કે આ મિશનને ગંતવ્ય સ્થાન સુધી પહોંચવામાં 125 દિવસનો સમય લાગશે. પ્રક્ષેપણ પહેલા, ISROના વડાએ શુક્રવારે તિરુપતિના સુલુરુપેટામાં શ્રી ચેંગલમ્મા પરમેશ્વરી મંદિરની મુલાકાત લીધી હતી અને મિશનની સફળતા માટે પ્રાર્થના કરી હતી.
