યુદ્ધના કારણે યુક્રેન રશિયા સાથે દરેક સ્તરે તોડી રહ્યું છે સંબંધ, ક્રિસમસની ઉજવણીની પરંપરા પણ તોડી

સમગ્ર વિશ્વમાં આજે 25મી ડિસેમ્બરે ક્રિસમસ 2022ની ઉજવણી કરવામાં આવી રહી છે. એક સમયે સોવિયત રશિયાનો ભાગ રહેલું યુક્રેન પણ આજે 25 ડિસેમ્બરે ક્રિસમસની ઉજવણી કરી રહ્યું છે. પરંતુ વિશ્વનો સૌથી મોટો દેશ રશિયા ઓર્થોડોક્સ ચર્ચના નિયમો અનુસાર 7 જાન્યુઆરીએ નાતાલની ઉજવણી કરશે.

રશિયા અને યુક્રેન બંને ઓર્થોડોક્સ ખ્રિસ્તી ધર્મનું પાલન કરે છે, જેના કારણે આ દેશોના લોકો જુલિયન કેલેન્ડરનો ઉપયોગ કરે છે. તેથી જ, યુદ્ધ પહેલા, યુક્રેન અને રશિયા 7 જાન્યુઆરીએ ક્રિસમસ ઉજવતા હતા એટલે કે 25 ડિસેમ્બર 13 દિવસ પછી. યુક્રેનના રાષ્ટ્રપતિ ઝેલેન્સકીએ આજે, ક્રિસમસના અવસર પર એક વિડિયો જાહેર કર્યો અને તેમના દેશના લોકોને અભિનંદન પાઠવ્યા.

રશિયન સૈન્યના હુમલાને કારણે યુક્રેનમાં હજારો લોકોની જીંદગી તબાહ થઈ ચુકી છે અને બંને દેશો વચ્ચેના સંબંધો પરસ્પર ઇતિહાસના સૌથી ખરાબ તબક્કામાં ગયા છે. યુદ્ધના કારણે યુક્રેન રશિયા સાથે તેના તમામ સંબંધો તોડી રહ્યું છે. આ જ કારણ છે કે આ વર્ષે યુક્રેનમાં 7 જાન્યુઆરીને બદલે 25 ડિસેમ્બરે જ ક્રિસમસની ઉજવણી કરવામાં આવી રહી છે. યુક્રેનના ઓર્થોડોક્સ ચર્ચે લોકોને મંજૂરી આપી છે કે તેઓ બાકીના યુરોપની જેમ 25 ડિસેમ્બરે નાતાલની ઉજવણી કરી શકે છે.

યુક્રેનમાં આવું પહેલીવાર થઈ રહ્યું છે, જ્યારે 25 ડિસેમ્બરે ક્રિસમસની ઉજવણી કરવામાં આવી રહી છે. જો કે યુક્રેનના આ નિર્ણય બાદ રશિયા અને યુક્રેન બંનેના ચર્ચો વચ્ચે તણાવ વધશે. યુક્રેનિયનો કહી રહ્યા છે કે રશિયનો સાથે નાતાલની ઉજવણી કરવાની પરંપરા માત્ર રશિયન હુમલાઓને કારણે તૂટી ગઈ છે.

આ પણ વાંચો – પાકિસ્તાનમાં અમેરીકાના દુતાવાસના સ્ટાફ પર હુમલાનું એલર્ટ, બિનજરૂરી મુસાફરી ટાળવા સુચના