આલિયા ભટ્ટે તેના ઈન્સ્ટાગ્રામ પર એક એવી પોસ્ટ કરી છે, જેને જોઈને તેના ફેન્સ ખૂબ જ ખુશ થઇ ગયાં છે. તસવીરમાં આલિયા હોસ્પિટલના બેડ પર છે અને સાથે રણબીર કપૂર પણ છે. પોસ્ટ પરથી લાગે છે કે આલિયા ભટ્ટ પ્રેગ્નન્ટ છે, તેણે પોતાના ઈન્સ્ટાગ્રામ પર બે તસવીરો પોસ્ટ કરીને આ સમાચાર આપ્યા છે. બંનેએ કેપ્શનમાં લખ્યું છે કે અમારું બાળક જલ્દી આવી રહ્યું છે. આલિયા હોસ્પિટલના બેડ પર ખુશ દેખાઈ રહી છે અને નજીકમાં રણબીર કપૂર બેઠો છે. એકસાથે બીજો ફોટો કપલનો છે. આ પોસ્ટ જોઇને લોકો તેને અભિનંદન આપી રહ્યા છે.
આલિયાની માતા સોની રાઝદાન, મૌની રોય સહિત ઘણાં સેલેબ્સે ખુશી વ્યક્ત કરી છે. તમને જણાવી દઈએ કે આલિયા અને રણબીરે આ વર્ષે 14 એપ્રિલના રોજ લગ્ન કર્યા હતા. વેલ, આલિયા અને રણબીરના ઘણા ચાહકોને હજુ પણ વિશ્વાસ નથી થયો. તેમને લાગે છે કે આ તેની આગામી ફિલ્મ બ્રહ્માસ્ત્ર સાથે સંબંધિત અપડેટ પણ હોઈ શકે છે. આલિયાની પોસ્ટની સાથે રણબીરની બહેન રિદ્ધિમાએ પણ તેના ઈન્સ્ટાગ્રામ પર પોસ્ટ કરીને તેને અભિનંદન પાઠવ્યાં છે. રિદ્ધિમાએ લખ્યું છે કે મારા બેબીઝનું બાળક થવાનું છે. તે જ સમયે, લોકો નીતુ કપૂરની પોસ્ટ કમેન્ટની રાહ જોઈ રહ્યાં છે. તમને જણાવી દઈએ કે આ વર્ષે ઈન્ડસ્ટ્રી તરફથી ઘણાં સારા સમાચાર મળ્યા છે. પ્રિયંકા ચોપરાએ જાન્યુઆરીમાં દીકરીના જન્મના ખુશખબર આપ્યા હતા. હાલમાં સોનમ કપૂર પ્રેગ્નન્ટ છે, રિપોર્ટ્સ અનુસાર ઓગસ્ટ સુધીમાં કપૂર ફેમેલીમાં પણ એક નાનું મહેમાન આવશે. ગયા વર્ષે અનુષ્કા શર્માને ત્યાં એક પુત્રીનો જન્મ થયો હતો.
કરણ જોહર સહિત ઈન્ડસ્ટ્રીના લોકોએ ખુશી મનાવી
આલિયા અને રણબીર પહેલીવાર ફિલ્મ બ્રહ્માસ્ત્રમાં સાથે આવી રહ્યાં છે. તાજેતરમાં, ટ્રેલર લોન્ચ દરમિયાન, રણબીરે કહ્યું હતું કે તે તેના માટે આ ખૂબ જ સારું વર્ષ છે. હવે આલિયાએ ફોટો શેર કરીને આ ખુશખબર આપી છે. બંને સ્ક્રીન તરફ જોઈ રહ્યા છે. સ્ક્રીન પર જે દેખાય છે તે છુપાવવામાં આવ્યું છે અને તેના પર હાર્ટ ઇમોજી છે. આલિયાએ કેપ્શન લખ્યું છે, અમારું બાળક જલ્દી આવી રહ્યું છે. પોસ્ટ પર ઘણી કોમેન્ટ્સ પણ આવી રહી છે અ લોકો આ કપલને અભિનંદન આપી રહ્યા છે. તેમાં આલિયાની માતા સોની રાઝદાન, રણબીર કપૂરની બહેન રિદ્ધિમા, આલિયા-રણબીરની બ્રહ્માસ્ત્ર સહ-અભિનેત્રી મૌની રોય, ટાઈગર શ્રોફ, ઈશાન ખટ્ટર, કરણ જોહર સહિત અન્ય ઘણા કલાકારો છે.