રાજ્યમાં સાર્વત્રિક વરસાદના કારણે જૂનાગઢમાં પુરની સ્થિતિ સર્જાઈ છે. જૂનાગઢમાં ભારે પુર અને વરસાદના લીધે જિલ્લાના પંચાયત- માર્ગ અને મકાન વિભાગના 48 રસ્તાઓ બંધ છે. નાગરિકોની સુવિધા માટે જૂનાગઢ કલેક્ટર દ્વારા વૈકલ્પિક રસ્તાઓની જાણકારી આપી છે.
જૂનાગઢ જિલ્લાના કુલ 48 માર્ગો બંધ છે જેને પૂર્વવત કરવા માટે યુદ્ધના ધોરણે કામગીરી શરૂ કરવામાં આવશે. સાથે જ આ માર્ગો ક્યારે શરૂ થશે તેની સંભવિત તારીખ પણ જણાવવામાં આવી છે.
જૂનાગઢમાં પુરની સ્થિતિ સર્જાયા બાદ ભારે તારાજી સર્જાય છે. અનેક સ્થળોએ પાણી ભરાયા છે. ગાડીઓ અને ઢોરઢાંખર પાણીમાં તણાયા છે અને અનેક લોકોના ઘરમાં પાણી ઘુસી ગયા છે.
જૂનાગઢમાં ભારેથી અતિભારે વરસાદના કારણે જુનાગઢમાં બિનજરૂરી બહાર નીકળવા પર પ્રતિબંધ લગાવવા આવ્યો છે. જિલ્લા કલેક્ટરે કલમ 144 હેઠળ જાહેરનામું પ્રસિદ્ધ કરાયું છે.
જૂનાગઢમાં પૂરગ્રસ્ત વિસ્તારોમાં NDRFની 6 ટીમો તૈનાત કરી છે જે વરસાદમાં ફસાયેલા લોકોને બચાવવાની કામગીરી કરી રહી છે.
જૂનાગઢમાં થયેલ અતિભારે વરસાદના પગલે અસરગ્રસ્ત વિસ્તારોમાં યુદ્ધના ધોરણે મહાનગરપાલિકા અને NDRF ની ટીમ દ્વારા સાફ-સફાઈની તથા રાહત બચાવની કામગીરી શરૂ કરવામાં આવી રહી છે. જૂનાગઢમાં સાફ-સફાઈ માટે ભાવનગર અને અમરેલી જિલ્લાની 9 નગરપાલિકાની ટીમો સઘન કામગીરી કરી રહી છે અને જિલ્લા વહીવટી તંત્ર અને મહાનગરપાલિકાના સંકલનથી સોસાયટીના રસ્તાઓ પર પૂરમાં તણાઈને આવેલો કચરો બહાર કાઢી દવાનો છંટકાવ કરવામાં આવી રહ્યો છે.
હવામાન વિભાગે રાજ્યના 2 જિલ્લામાં રેડ એલર્ટ, 5 જિલ્લામાં ઓરેંજ એલર્ટ તો 7 જિલ્લામાં યલો એલર્ટ જાહેર કર્યા છે. દેવભૂમિ દ્વારકા અને પોરબંદરમાં રેડ એલર્ટ, કચ્છ, જૂનાગઢ, વલસાડ, દમણ, દાદરાનગર હવેલીમાં ઓરેન્જ એલર્ટ અને ગીર સોમનાથ, અમરેલી, ભાવનગર, સૂરત, નવસારી, આણંદ અને વડોદરામાં યલો એલર્ટ જાહેર કરાયું છે.
ભારે વરસાદને કારણે હાલ જૂનાગઢ જીલ્લામાં નીચે મુજબના 48 રસ્તાઓ(પંચાયત- માર્ગ અને મકાન)ના બંધ છે.તેમજ વૈકલ્પિક રસ્તાઓની વિગતો નીચે મુજબ છે.@CMOGuj @RaghavjiPatel @Manish_guj @InfoGujarat @revenuegujarat @JunagadhGog pic.twitter.com/gQPcUxMoGn
— Collector Junagadh (@collectorjunag) July 22, 2023
રાજ્યમાં સાર્વત્રિક વરસાદ વરસી રહ્યો તેના કારણે રાજ્યની અનેક નદીઓ બે કાંઠે વહેતી થઇ ગઇ છે. ડેમોમાં પાણીની આવક વધી છે. ઉપરવાસમાં વરસાદના કારણે સરદાર સરોવર નર્મદા ડેમની જળસપાટી વધી છે તો સૌરાષ્ટ્રનો ભાદર-1 ડેમ ઓવરફ્લો થયો છે તથા રાજ્યના ઘણાં ડેમોમાં નવા નીરની આવક થઈ છે.
આ પણ વાંચો : RAJKOT : કરમાળ-પીપળીયા ગામમાં ફસાયેલા 25 લોકોને સલામત સ્થળે ખસેડતી NDRF અને ફાયર ટીમ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
