- દિલ્હીમાં હત્યાનો બનાવ
- ધોળા દિવસે મહિલાની હત્યા
- સામાન્ય બાબતમાં મહિલાને મારી ગોળી
દિલ્હી (Delhi)ના ગોકલપુરીમાં બુધવારે એક હૃદયદ્રાવક ઘટના સામે આવી છે. અહીં એક નાની બાબતે એક મહિલાની ઘાતકી હત્યા કરવામાં આવી હતી. મળતી માહિતી મુજબ, ગોકલપુરી ફ્લાયઓવર નીચે એક સ્કૂટર સવારે રોડ રેજમાં એક મહિલાની ગોળી મારીને હત્યા કરી હતી. મૃતકની ઓળખ 25 વર્ષીય સિમરનજીત કૌર તરીકે થઈ છે. ઘટના બાદ આરોપી ફરાર થઈ ગયો હતો.
જાણો શું છે સમગ્ર ઘટના…
ભાલસવા નિવાસી સિમરનજીત કૌર તેના પતિ હીરા સિંહ સાથે બુલેટ દ્વારા જ્યોતિ નગર સ્થિત બેંકમાં જઈ રહી હતી. જ્યારે કપલ ગોકલપુરી ફ્લાયઓવરની નીચે પહોંચ્યું ત્યારે એક સ્કૂટી સવારે તેમની મોટરસાઇકલને ટક્કર મારવાનું શરૂ કર્યું. આ બાબતે હિરા સિંહનો સ્કૂટર સવાર સાથે ઝઘડો થયો હતો. સ્કૂટર સવારે તેની પિસ્તોલ કાઢી અને હીરા પર ફાયરિંગ કર્યું, પરંતુ ગોળી હીરાને બદલે તેની પત્નીની છાતીમાં વાગી. સિમરનજીત કૌરનું ઘટનાસ્થળે જ મોત થયું હતું.
#UPDATE | At about 3:15 PM, a person Heera Singh (40) was going towards Maujpur along with his wife Simranjeet Kaur (30) on his Bullet motorcycle. He had a verbal spat with one person on a two-wheeler near Gokal Puri Flyover after their vehicles almost brushed against each other.…
— ANI (@ANI) July 31, 2024
આ પણ વાંચો : પટનામાં ખાન સરના કોચિંગ સેન્ટરને તાળું માર્યું, SDM ને તપાસમાં મળી ઘણી ખામીઓ…
દિલ્હી પોલીસે શું કહ્યું?
દિલ્હી (Delhi) પોલીસે જણાવ્યું કે ગોકુલપુરી વિસ્તારમાં તેના પતિ સાથે મોટરસાઇકલ પર મુસાફરી કરી રહેલી એક મહિલાની ગોળી મારીને હત્યા કરવામાં આવી છે. જ્યારે તેને હોસ્પિટલ લઈ જવામાં આવી ત્યારે તેને મૃત જાહેર કરાઈ હતી. હાલ તપાસ ચાલી રહી છે. દિલ્હી (Delhi) પોલીસે કહ્યું, ‘બપોરે 3.15 વાગ્યાની આસપાસ એક વ્યક્તિ હીરા સિંહ (40) તેની પત્ની સિમરનજીત કૌર (30) સાથે તેની બુલેટ મોટરસાઇકલ પર મૌજપુર તરફ જઈ રહ્યો હતો. ગોકલ પુરી ફ્લાયઓવર પાસે ટુ-વ્હીલર પર સવાર એક વ્યક્તિ સાથે તેની દલીલ થઈ જ્યારે તેમના વાહનો લગભગ એકબીજા સાથે અથડાઈ ગયા. જે બાદ એક વ્યક્તિએ નીચે ફ્લાયઓવરથી લગભગ 30-35 ફૂટ દૂરથી ગોળી ચલાવી જે તેની પત્ની સિમરનજીત કૌરને છાતીના ઉપરના ભાગમાં ગરદન પાસે વાગી. તે તેની પત્નીને જીટીબી હોસ્પિટલમાં લઈ ગયો જ્યાં તેણીને મૃત જાહેર કરવામાં આવી. હત્યાનો કેસ નોંધવામાં આવી રહ્યો છે. વિસ્તારના CCTV ફૂટેજની તપાસ કરવામાં આવી રહી છે. હુમલાખોરની ઓળખ અને ધરપકડના પ્રયાસો કરવામાં આવી રહ્યા છે. વધુ તપાસ ચાલુ છે.
આ પણ વાંચો : ચૂંટણીની પારદર્શિતા પર સવાલ, ADR નો દાવો – 5.54 લાખ મત ઓછા ગણાયા…
