- અમેરિકામાં વડાપ્રધાન નરેન્દ્ર મોદીએ ન્યૂયોર્કના નાસાઉ કોલિઝિયમમાં એનઆરઆઈને સંબોધિત કર્યા
- ભારતનું 5G માર્કેટ અમેરિકા કરતા મોટું છે
- ભારતમાં લોકો પાસે ‘ડિજિટલ વોલેટ્સ’ છે
- હવે ભારતના લોકો ગુણવત્તાયુક્ત જીવન ઈચ્છે છે
PM Modi visits America : અમેરિકાના ત્રણ દિવસના પ્રવાસે પહોંચેલા વડાપ્રધાન નરેન્દ્ર મોદી (PM Modi visits America) એ રવિવારે ન્યૂયોર્કના નાસાઉ કોલિઝિયમમાં એનઆરઆઈને સંબોધિત કર્યા હતા. લોંગ આઈલેન્ડના કોલિઝિયમમાં એનઆરઆઈને સંબોધિત કરતી વખતે પીએમ મોદીએ ભારતના વિકાસ વિશે માહિતી આપી હતી. પીએમ મોદીએ તેમના સંબોધનની શરૂઆત “નમસ્તે યુએસ!” કહીને કર્યું. તેમણે કહ્યું, ‘હવે અમારી નમસ્તે પણ વૈશ્વિક બની ગઈ છે, તે સ્થાનિકથી વૈશ્વિક થઈ ગઈ છે અને તમે આ બધું કર્યું છે.’ તેમણે કહ્યું, ‘હું હંમેશા તમારી ક્ષમતા, ભારતીય પ્રવાસીઓના સામર્થ્યને સમજ્યો છું. જ્યારે હું કોઈ સરકારી હોદ્દો ધરાવતો ન હતો ત્યારે પણ હું તેને સમજતો હતો અને આજે પણ સમજું છું. મારા માટે તમે બધા ભારતના શક્તિશાળી બ્રાન્ડ એમ્બેસેડર રહ્યા છો. તેથી જ હું તમને ‘રાષ્ટ્રદૂત’ કહું છું.”
ભારતનું 5G માર્કેટ અમેરિકા કરતા મોટું છે
ભારતમાં વિકાસ વિશે વાત કરતા પીએમ મોદીએ કહ્યું, “ભારત આજે તકોની ભૂમિ છે, હવે ભારત તકોની રાહ જોતું નથી. હવે ભારત તકોનું સર્જન કરે છે.” તેમણે આગળ કહ્યું, “ભારત આજ જેટલું જોડાયેલું ક્યારેય નહોતું. આજે ભારતનું 5G માર્કેટ… જો હું તમને કહું તો તમને ખરાબ નહીં લાગે, ખરું ને?… આજે ભારતનું 5G માર્કેટ અમેરિકા કરતાં મોટું થઈ ગયું છે અને આ બધું બે વર્ષમાં થયું છે હવે ભારત મેડ-ઇન-ઈન્ડિયા 6જી પર કામ કરી રહ્યું છે.
વડાપ્રધાન મોદી ત્રિદિવસીય અમેરિકાના પ્રવાસે
લોંગ આઇલેન્ડમાં ‘મોદી એન્ડ અમેરિકા’ કાર્યક્રમ
નમસ્તે યુ.એસ. કહી સંબોધનની કરી હતી શરૂઆત
“AI એટલે અમેરિકા-ઈન્ડિયા”
“અમેરિક-ઈન્ડિયા નવી દુનિયાનો પાવર છે”@PMOIndia @HMOIndia @narendramodi @JoeBiden#India #USA #PMModi #NarendraModi… pic.twitter.com/ANJvgVlzqS— Gujarat First (@GujaratFirst) September 23, 2024
આ પણ વાંચો––New York માં PM મોદીનું સંબોધન, કહ્યું- ‘નમસ્તે’ વૈશ્વિક બની ગયું છે…
ભારતમાં ડિજિટલ વોલેટ
ભારત દ્વારા કરવામાં આવેલી ડિજિટલ પ્રગતિનો ઉલ્લેખ કરતા પીએમ મોદીએ ભારતીય અમેરિકનોને કહ્યું કે અહીં તેમના ખિસ્સામાં વોલેટ હોઈ શકે છે, પરંતુ ભારતમાં લોકો પાસે ‘ડિજિટલ વોલેટ્સ’ છે. પીએમ મોદીએ કહ્યું કે ભારત પોતાનું વૈશ્વિક વર્ચસ્વ ઈચ્છતું નથી. તેમણે કહ્યું કે ભારત આગ જેવું નથી. વડા પ્રધાને કહ્યું, “આપણે સૂર્ય જેવા છીએ જે પ્રકાશ આપે છે.” તે જ સમયે, વડા પ્રધાને કાર્બન ઉત્સર્જન માટે પશ્ચિમની ટીકા કરી હતી અને કહ્યું હતું કે વિશ્વમાં વિનાશ કરવામાં ભારતની કોઈ ભૂમિકા નથી. મોદીએ કહ્યું કે વિશ્વની 17 ટકા વસ્તી ભારતમાં રહે છે અને તેનું કાર્બન ઉત્સર્જન ચાર ટકાથી ઓછું છે.
#WATCH | Modi&US Event | PM Narendra Modi says, “Today, India’s 5G market is bigger than America. It has happened within two years. Now, India is working on made-in-India 6G.” pic.twitter.com/RP09n8lDfT
— ANI (@ANI) September 22, 2024
હવે ભારત તકોની રાહ જોતું નથી
પીએમ મોદીએ કહ્યું કે ભારત એક દાયકામાં પાંચમી સૌથી મોટી અર્થવ્યવસ્થા બની ગયું છે. દરેક ભારતીય ઈચ્છે છે કે ભારત ત્રીજી સૌથી મોટી અર્થવ્યવસ્થા બને. દેશના એક મોટા વર્ગની આશાઓ પૂર્ણ થઈ રહી છે. મોટી સંખ્યામાં લોકોના ઘરે પીવાનું શુદ્ધ પાણી પહોંચી રહ્યું છે. તેમના ઘરે વીજળી પહોંચી. હવે ભારતના લોકો ગુણવત્તાયુક્ત જીવન ઈચ્છે છે. અગાઉ જે કામ પૂર્ણ થવામાં વર્ષો લાગતા હતા તે હવે મહિનાઓમાં પૂર્ણ કરવામાં આવી રહ્યા છે. હવે ભારત તકોની રાહ જોતું નથી, પરંતુ તેને બનાવે છે. છેલ્લા 10 વર્ષોમાં, ભારતમાં દરેક ક્ષેત્રમાં તકોના નવા લોન્ચિંગ પેડ બનાવવામાં આવ્યા છે. માત્ર એક દાયકામાં 25 કરોડ લોકો ગરીબીમાંથી બહાર આવ્યા છે. આવું એટલા માટે થયું કારણ કે અમે જૂની વિચારસરણી બદલી, અમે ગરીબોને શક્તિશાળી બનાવવા પર ભાર મૂક્યો.
આ પણ વાંચો—–કોણ છે Hanumankind? અમેરિકામાં આપ્યું શાનદાર પ્રદર્શન, PM મોદી પણ બન્યા ફેન
