+

Media : વિદેશી મીડિયામાં પણ રામ મંદિરની બની હેડલાઇન

Media : અયોધ્યામાં સોમવારે ભગવાન શ્રી રામના ભવ્ય મંદિર (Ram Mandir)માં રામ લલા પ્રાણ પ્રતિષ્ઠા યોજવામાં આવી હતી. વડાપ્રધાન નરેન્દ્ર મોદી ચાંદીની છત્રી લઈને રામ લલ્લાના અભિષેક કાર્યક્રમમાં પહોંચ્યા હતા.…

Media : અયોધ્યામાં સોમવારે ભગવાન શ્રી રામના ભવ્ય મંદિર (Ram Mandir)માં રામ લલા પ્રાણ પ્રતિષ્ઠા યોજવામાં આવી હતી. વડાપ્રધાન નરેન્દ્ર મોદી ચાંદીની છત્રી લઈને રામ લલ્લાના અભિષેક કાર્યક્રમમાં પહોંચ્યા હતા. પીએમ મોદીએ રામ મંદિરની પ્રાણ પ્રતિષ્ઠા બાદ કહ્યું કે અમારા રામલલા હવે તંબુમાં નહીં પરંતુ દિવ્ય મંદિરમાં રહેશે. દેશભરના રામ ભક્તો માટે આ એક અલૌકિક ક્ષણ છે. અયોધ્યામાં આયોજિત આ કાર્યક્રમની માત્ર દેશના મીડિયા (media)માં જ વ્યાપક ચર્ચા નથી થઈ, દુનિયાના અન્ય દેશોના મીડિયા (media)માં પણ તેને સ્થાન મળ્યું છે. પાકિસ્તાન, અમેરિકા, બ્રિટન અને આરબ દેશોના મીડિયાએ રામ મંદિરના અભિષેક કાર્યક્રમ અંગે અહેવાલ આપ્યો છે.

ગાર્ડિયન અને બીસીસીએ શું લખ્યું

બ્રિટિશ અખબાર ગાર્ડિયને વડાપ્રધાન નરેન્દ્ર મોદીની તસવીર સાથે હેડલાઈન આપી છે – ‘મોદી ભારતમાં તોડી પાડવામાં આવેલી મસ્જિદના સ્થળે હિન્દુ મંદિરનું ઉદ્ઘાટન કરશે’. અખબારે લખ્યું છે કે નરેન્દ્ર મોદીએ વિવાદાસ્પદ ઉદ્ઘાટનને લોકોના વર્ષોથી જોયેલા સપનાની પરિપૂર્ણતા ગણાવી છે. બીબીસીએ પણ આવી જ હેડલાઈન પ્રકાશિત કરી છે. વેબસાઈટ પર લખ્યું છે ‘અયોધ્યા રામ મંદિરઃ ભારતીય પીએમ મોદીએ તોડી પાડવામાં આવેલી બાબરી મસ્જિદના સ્થળે હિંદુ મંદિરનું ઉદ્ઘાટન કર્યું’. આરબ જગતના મોટા મીડિયા હાઉસ અલ જઝીરાએ પણ સમાચારનું હેડલાઈન કર્યું હતું કે ‘નરેન્દ્ર મોદીએ અયોધ્યામાં તોડી પાડવામાં આવેલી મસ્જિદની જગ્યાએ કર્યું મંદિરનું ઉદ્ઘાટન

પાકિસ્તાની અને બાંગ્લાદેશી મીડિયામાં પણ ઉલ્લેખ

ન્યૂયોર્ક ટાઈમ્સે અયોધ્યા મંદિરની તસવીર આપી છે અને હેડલાઈન આપી છે – ‘મોદીએ વિશાળ મંદિરનું ઉદ્ઘાટન કર્યું, જે હિન્દુ-ફર્સ્ટ ભારતની જીત છે.’ ન્યૂયોર્ક ટાઈમ્સે એ પણ ઉલ્લેખ કર્યો છે કે મંદિર હજુ 70 ટકા પૂર્ણ છે. પાકિસ્તાનના અગ્રણી અખબાર ડોને અયોધ્યા મંદિરના અભિષેકના ઉદ્ઘાટનને લઈને હેડલાઈન આપી છે, ‘મોદીએ બદલાઇ રહેલા ભારતના પ્રતીક ફ્લેશપોઈન્ટ મંદિરનું ઉદ્ઘાટન કર્યું.

રોયટર્સે પણ સમાચાર બનાવ્યા

બાંગ્લાદેશના ડેઈલી સ્ટારે પણ રામ મંદિર કાર્યક્રમના સમાચાર ડોન જેવા જ હેડલાઈન સાથે આપ્યા છે. રોયટર્સે અયોધ્યામાં રામ મંદિરના અભિષેક સમારોહ વિશે લખ્યું છે કે તેને ભારતમાં હિન્દુ જાગૃતિ તરીકે જોવામાં આવી રહ્યું છે.

આ પણ વાંચો—-RAMTEMPLE : નિર્માણકાર્યમાં રાત-દિવસ એક કરનારા શ્રમિકોનું PM મોદીએ આ રીતે કર્યું ભવ્ય સ્વાગત! જુઓ VIDEO

ગુજરાત ફર્સ્ટ તમને સમાચારોથી હંમેશા અવગત રાખશે: 

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ

Whatsapp share
facebook twitter