- રતન ટાટાની તબિયત લથડતાં હોસ્પિટલમાં દાખલ હોવાના સમાચાર
- મુંબઈની બ્રીચ કેન્ડી હોસ્પિટલમાં સારવાર હેઠળ
- બ્લડ પ્રેશરની તકલીફ થતાં ICUમાં સારવાર
- જો કે રતન ટાટાએ કહ્યું..હું ઠીક છું
- તેઓ નિયમીત ચેકઅપ માટે ગયા હતા
Ratan Tata : જાણીતા ઉદ્યોગપતિ રતન ટાટા (Ratan Tata)ની તબિયત બગડી હોવાના સમાચાર પ્રસરતાં ચિંતા પ્રસરી ગઇ હતી. જો કે રતન ટાટાએ એ પોતાની ખરાબ તબિયતના સમાચારને અફવા ગણાવ્યા છે અને સોશિયલ મીડિયા હેન્ડલ X પર તેમના સ્વાસ્થ્ય અંગે અપડેટ આપી છે. મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા છે. ટાટા સન્સના ચેરમેન એમેરિટસ રતન ટાટા 86 વર્ષના છે અને તેમણે કહ્યું છે કે તેમની ઉંમર સંબંધિત સ્વાસ્થ્ય સમસ્યાઓના કારણે તેઓ નિયમિત ચેકઅપ માટે ગયા હતા.
એવા સમાચાર આવ્યા હતા કે રતન ટાટાને ગંભીર હાલતમાં હોસ્પિટલ ખસેડાયા હતા
જાણીતા સામાજિક કાર્યકર અને ટાટા સન્સના ભૂતપૂર્વ ચેરમેન રતન નવલ ટાટા (86) બ્રીચ કેન્ડી હોસ્પિટલના ICUમાં દાખલ છે. સોમવારે સવારે તેમને હોસ્પિટલના ઈમરજન્સી રૂમમાં લઈ જવામાં આવ્યા હતા. તમને જણાવી દઈએ કે એવા સમાચાર આવ્યા હતા કે રતન ટાટાને 12.30 થી 1:00 વાગ્યાની વચ્ચે ગંભીર હાલતમાં હોસ્પિટલમાં દાખલ કરવામાં આવ્યા હતા. તેમનું બ્લડ પ્રેશર ખૂબ જ ઘટી ગયું હતું અને તેમને તાત્કાલિક ICUમાં લઈ જવામાં આવ્યા હતા, જ્યાં જાણીતા કાર્ડિયોલોજિસ્ટ ડૉ. શારુખ અસ્પી ગોલવાલાની દેખરેખ હેઠળ તેમની સારવાર કરવામાં આવી રહી છે.
રતન ટાટાનો જન્મ
ઉલ્લેખનિય છે કે રતન ટાટાનો જન્મ 28 ડિસેમ્બર 1937ના રોજ મુંબઇમાં થયો હતો. તેઓ ટાટા ગ્રુપના સ્થાપક જમશેદજી ટાટાના પ્રપૌત્ર છે. તેઓ 1990 થી 2012 સુધી જૂથના અધ્યક્ષ અને ઓક્ટોબર 2016 થી ફેબ્રુઆરી 2017 સુધી વચગાળાના અધ્યક્ષ હતા. રતન ટાટા જૂથના ચેરિટેબલ ટ્રસ્ટના વડા છે.
1990માં ગ્રૂપના ચેરમેન બન્યા
ટાટા 1962માં ટાટા ગ્રુપમાં જોડાયા. તેઓ 1990માં ગ્રૂપના ચેરમેન બન્યા પહેલા વિવિધ હોદ્દા પર હતા અને ધીરે ધીરે બિઝનેસમાં આગળ વધ્યા હતા. તેમના કાર્યકાળ દરમિયાન, ટાટા જૂથે સ્થાનિક અને વિદેશમાં નોંધપાત્ર વૃદ્ધિ અને વિસ્તરણનો અનુભવ કર્યો. ટાટાની દૂરંદેશી અને વ્યૂહાત્મક વિચારસરણીએ કંપનીને ટેલિકોમ, રિટેલ અને ઓટો જેવા નવા ઉદ્યોગોમાં વિસ્તરણ કરવાની મંજૂરી આપી.
સરકારે સન્માન કર્યું
ટાટાની સૌથી નોંધપાત્ર સિદ્ધિઓમાંની એક 2008 માં જગુઆર લેન્ડ રોવરનું સંપાદન હતું, જે ટાટા જૂથના ઇતિહાસમાં એક નોંધપાત્ર ક્ષણ હતી. પરોપકાર અને કોર્પોરેટ સામાજિક જવાબદારી પ્રત્યેના તેમના સમર્પણને કારણે તેમને ભારતના બે સર્વોચ્ચ નાગરિક પુરસ્કારો પદ્મ ભૂષણ અને પદ્મ વિભૂષણ સહિતના અસંખ્ય સન્માનો મળ્યા છે.