- નાયબ સિંહ સૈની આજે લેશે મુખ્યમંત્રી પદના શપથ લેશે
- અનિલ વિજ નાયબ સિંહ સૈની સરકારમાં મંત્રી બની શકે છે
- શપથ ગ્રહણ સમારોહમાં
Haryana : હરિયાણામાં નાયબ સિંહ સૈની (Nayab Singh Saini) આજે રાજ્યના નવા મુખ્યમંત્રી (New Chief Minister) તરીકે શપથ લેશે. પંચકુલાના શાલીમાર ગ્રાઉન્ડમાં બપોરે 1 વાગ્યે આ શપથ ગ્રહણ સમારોહ યોજાશે, જેમાં વડાપ્રધાન નરેન્દ્ર મોદી સાથે ભાજપના વરિષ્ઠ નેતાઓ અને NDA સહયોગી રાજ્યોના મુખ્યમંત્રીઓ પણ હાજર રહેશે. આ દરમિયાન કુલ 37 વરિષ્ઠ નેતાઓ હાજરી આપશે. આ કાર્યક્રમમાં 12 ધારાસભ્યોને મંત્રી તરીકે શપથ લેવડાવવામાં આવશે, જેમાં અનિલ વિજનું નામ સૌથી અગત્યનું છે. સૈનીની કેબિનેટમાં જ્ઞાતિ સમીકરણને ખાસ ધ્યાનમાં રાખીને મંત્રીઓની પસંદગી કરવામાં આવી છે, જેથી રાજ્યના વિવિધ સમાજોને પ્રતીનિધિત્વ મળે. આ શપથ ગ્રહણ સમારોહમાં લગભગ 50,000 લોકો હાજર રહે તેવી સંભાવનાઓ છે.
નાયબ સિંહ સૈની બનશે હરિયાણાના નવા CM
નાયબ સિંહ સૈની હરિયાણાના મુખ્યમંત્રી તરીકે શપથ લેવાના છે. તેમની સાથે અનેક મંત્રીઓ પણ આજે પદ અને ગોપનીયતાના શપથ લેશે. તેમની કેબિનેટમાં ઘણા જૂના દિગ્ગજો અને કેટલાક નવા અને યુવા ચહેરા હશે. અત્યાર સુધી પ્રાપ્ત માહિતી અનુસાર અંબાલા કેન્ટમાંથી સતત જીતી રહેલા અનિલ વિજ પણ મંત્રી બનશે. નાયબ સિંહ સૈનીએ પોતે તેમને ફોન કરીને શપથ સમારોહમાં આમંત્રણ આપ્યું છે. અનિલ વિજ માટે તેમના હેઠળ મંત્રી બનવું મહત્વપૂર્ણ છે કારણ કે તેઓ પણ પોતાને મુખ્યમંત્રીનો ચહેરો ગણાવતા રહ્યા છે. એટલું જ નહીં, ઘણી વખત તેઓ એવા નિવેદનો પણ આપતા રહ્યા છે કે જેનાથી નેતૃત્વ અસ્વસ્થ થાય. જો કે બુધવારે ધારાસભ્ય દળની બેઠકમાં તેમણે જ નાયબ સિંહ સૈનીના નામનો પ્રસ્તાવ મૂક્યો હતો. આ સિવાય મેં કહ્યું હતું કે જો પાર્ટી મને ચોકીદાર બનાવશે તો હું એ ભૂમિકા દિલથી નિભાવીશ.
#WATCH | Panchkula: Haryana CM-designate Nayab Singh Saini says, “CMs, Deputy CMs and senior leaders of NDA will participate in the swearing-in ceremony today. After that, there will be a meeting of NDA leaders.” pic.twitter.com/uSebe32S6s
— ANI (@ANI) October 17, 2024
CM સહિત વધુમાં વધુ 14 ધારાસભ્યો કેબિનેટમાં સામેલ થઈ શકે છે
સૂત્રોનું કહેવું છે કે અનિલ વિજ સિવાય અન્ય કેટલાક નેતાઓને શપથ માટે બોલાવવામાં આવ્યા છે. આ નેતાઓમાં આરતી સિંહ રાવનો પણ સમાવેશ થાય છે, જેઓ આહિરવાલ વિસ્તારની અટેલી બેઠક પરથી જીતી છે. તે કેન્દ્રીય મંત્રી રાવ ઈન્દ્રજીત સિંહની પુત્રી છે. આ સિવાય ગુરુગ્રામ ક્ષેત્રની બાદશાહપુર સીટથી જીતેલા રાવ નરબીર સિંહ પણ મંત્રી બની શકે છે. જણાવી દઈએ કે હરિયાણા કેબિનેટમાં CM સહિત વધુમાં વધુ 14 ધારાસભ્યો સામેલ થઈ શકે છે, જો કે ગુરુવારે શપથ ગ્રહણ સમારોહમાં 10 ધારાસભ્યોને સામેલ કરવામાં આવશે. જેમાં 2 દલિત, 2 જાટ, એક બ્રાહ્મણ, એક બનિયા, એક આહીર, એક ખત્રી અને એક પંજાબી સમુદાયનો સમાવેશ થશે. આ ચહેરાઓને સૈની કેબિનેટમાં સામેલ કરી શકાય છે.
- કૃષ્ણા પવાર
- કૃષ્ણ કુમાર બેદી
- મહિપાલ ધંડા
- સુનીલ સાંગવાન
- મૂળચંદ શર્મા
- વિપુલ ગોયલ
- રણબીર સિંહ ગંગવા
- આરતી રાવ નરબીર
- અનિલ વિજ
- ઘનશ્યામ દાસ અરોરા
શપથ સમારોહમાં કોણ હાજરી આપશે?
જણાવી દઈએ કે, હરિયાણામાં નાયબ સિંહ સૈની અને તેમની કેબિનેટના શપથ ગ્રહણમાં ભાજપ શાસિત રાજ્યોના 37 મુખ્યમંત્રી અને નાયબ મુખ્યમંત્રી ભાગ લેશે. આ સિવાય PM નરેન્દ્ર મોદી, અમિત શાહ, રાજનાથ સિંહ, નીતિન ગડકરી, મનોહર લાલ ખટ્ટર સહિત અનેક કેન્દ્રીય મંત્રીઓ ભાગ લેશે.
આ પણ વાંચો: સુપ્રીમ કોર્ટના આગામી મુખ્ય ન્યાયાધીશ કોણ? જાણો CJI ચંદ્રચુડે કોના નામની કરી ભલામણ
