ભારતીય વિદેશ મંત્રી એસ જયશંકરે દક્ષિણ-પૂર્વ એશિયાઈ રાષ્ટ્રોના સંગઠન (આસિયાન)ની બેઠક દરમિયાન ચીનના વિદેશ મંત્રી વાંગ યી સાથે મુલકાત કરી. તેમણે વાસ્તવિક નિયંત્રણ રેખા (LAC) અંગે ચીનના સમકક્ષ સમક્ષ પોતાનો પક્ષ રજૂ કર્યો અને કહ્યું કે, વાસ્તવિક નિયંત્રણ રેખા અને અગાઉના કરારોનું સંપૂર્ણ સન્માન સુનિશ્ચિત કરવું જોઈએ. તેમણે કહ્યું કે સંબંધોમાં સ્થિરતા આપણા પરસ્પર હિતમાં છે.
જયશંકરની ચીનના વિદેશ મંત્રી સાથે મુલાકાત…
વિદેશ મંત્રી એસ જયશંકરે જણાવ્યું હતું કે, તેઓ આજે વિએન્ટિયનમાં CPC પોલિટબ્યુરોના સભ્ય અને ચીનના વિદેશ મંત્રી વાંગ યીને મળ્યા હતા. અમે દ્વિપક્ષીય સંબંધો અંગે અમારી ચાલી રહેલી ચર્ચાઓ ચાલુ રાખી. તેમણે કહ્યું કે, સૈનિકો પાછા ખેંચવાની પ્રક્રિયા પૂર્ણ કરવા માટે મજબૂત પગલાં લેવાની જરૂરિયાત પર સહમતી બની હતી. એ પણ કહ્યું કે, LAC અને અગાઉના કરારોનું સંપૂર્ણ સન્માન સુનિશ્ચિત કરવું જોઈએ, અમારા સંબંધોને સ્થિર કરવા તે અમારા પરસ્પર હિતમાં છે. આપને હેતુ અને તત્પરતાની ભાવના અને તાત્કાલિક સમસ્યાઓનો સંપર્ક કરવો જોઈએ.
વિદેશ મંત્રી આસિયાન બેઠકમાં પહોંચ્યા…
તમને જણાવી દઈએ કે, વિદેશ મંત્રી એસ જયશંકર ગુરુવારે આસિયાન બેઠક માટે તેમની ત્રણ દિવસની મુલાકાતે લાઓસની રાજધાની વિએન્ટિયન પહોંચ્યા હતા. અગાઉ, એસ જયશંકરે કહ્યું હતું કે, તેઓ દક્ષિણ પૂર્વીય રાષ્ટ્રોના સંગઠન સાથેના સંબંધોને મજબૂત કરવા આતુર છે. જયશંકરે લખ્યું છે કે, હું ASEAN-મિકેનિઝમ મિટિંગમાં ભાગ લેવા માટે લાઓસની રાજધાની વિએન્ટિયન પહોંચ્યો છું. એક્ટ ઇસ્ટ પોલિસીના 10 વર્ષ પૂરા થવાથી ASEAN સાથે ભારતના સંબંધો વધુ ગાઢ થવાની અપેક્ષા છે.
આ દેશોની મુલાકાત લેશે…
મળતી જાણકારી અનુસાર, વિએન્ટિયનથી વિદેશ મંત્રી એસ જયશંકર 29 જુલાઈએ ઓસ્ટ્રેલિયા, જાપાન અને અમેરિકાના વિદેશ મંત્રીઓ સાથે ક્વાડ ફોરેન મિનિસ્ટર્સની આગામી બેઠકમાં ભાગ લેવા માટે જાપાન ટોક્યો જશે. 31 દેશોના વિદેશ મંત્રીઓ અને પ્રતિનિધિઓ સહિત 1,000 થી વધુ પ્રતિનિધિઓ વિએન્ટિયનમાં એસોસિયેશન ઓફ સાઉથઇસ્ટ એશિયન નેશન્સ (ASEAN) ના વિદેશ મંત્રીઓની 57 મી મિટિંગ (AMM)માં ભાગ લઇ રહ્યા છે.
આ પણ વાંચો : સુધરી જજો, નહીં તો થઇ શકે છે જેલ! Delhi Metro માં Reels બનાવશો તો થશે FIR…
આ પણ વાંચો : આ પોલીસ સ્ટેશનમાં થઇ રહ્યું હતું કંઇક આવું, DIG એ આખું પોલીસ સ્ટેશન કર્યું સસ્પેન્ડ
આ પણ વાંચો : Rajasthan ના BJP પ્રદેશ અધ્યક્ષ સીપી જોશીએ આપ્યું રાજીનામું!, સામે આવ્યું ચોનકાવનારું કારણ…