Gujarat Education: આજરોજ ગુજરાત રાજ્ય સરકારે ગુજરાત હાઈકોર્ટને જણાવ્યું હતું કે, તેમણે ઉચ્ચ અને તકનીકી શૈક્ષણિક સંસ્થાઓમાં રેગિંગની સમસ્યાને કાબૂમાં લેવા માટે એક ઠરાવ બહાર પાડ્યો છે. ત્યારે તેનું પાલન કરાવવા માટે સૂચન પાઠવ્યા છે.
- SUO MOTO PIL ની સુનાવણી કરવામાં આવી હતી
- એન્ટિ-રેગિંગ સમિતિઓની રચના કરી છે
- AICTE ના નિયમોનું પાલન કરવાનો નિર્દેશ આપવામાં આવ્યો
એડવોકેટ જનરલ કમલ ત્રિવેદીએ ચીફ જસ્ટિસ સુનીતા અગ્રવાલ અને ન્યાયાધીશોની ડિવિઝન બેંચને જણાવ્યું હતું કે યુનિવર્સિટી ગ્રાન્ટ્સ કમિશન (UGC) અને ઓલ ઈન્ડિયા કાઉન્સિલ ફોર ટેકનિકલ એજ્યુકેશન (AICTE) દ્વારા જારી કરાયેલા નિયમોના આધારે સરકારી ઠરાવ (GR) જારી કરવામાં આવ્યો છે.
SUO MOTO PIL ની સુનાવણી કરવામાં આવી હતી
ગયા વર્ષે જાન્યુઆરીમાં એક અખબારમાં મેડિકલ કોલેજના વિદ્યાર્થીઓ દ્વારા રેગિંગનો મામલો સામે આવ્યો હતો. ત્યારે ગુજરાત હાઈકોર્ટમાં રાજ્યમાં શૈક્ષણિક સંસ્થાઓમાં રેગિંગની ઘટનાઓ સાથે વ્યવહાર કરવા માટે એક SUO MOTO PIL ની સુનાવણી કરવામાં આવી હતી.
એન્ટિ-રેગિંગ સમિતિઓની રચના કરી છે
ત્રિવેદીએ જણાવ્યું હતું કે જ્યાં સુધી મેડિકલ કોલેજોનો સવાલ છે ત્યાં સુધી સરકાર મેડિકલ કાઉન્સિલ ઓફ ઈન્ડિયાના નિયમોના આધારે આગામી થોડા દિવસોમાં GR દાખલ કરશે. ગુજરાત શિક્ષણ વિભાગે 19 માર્ચના GR દ્વારા સંસ્થા, યુનિવર્સિટી, જિલ્લા અને રાજ્ય સ્તરે એન્ટિ-રેગિંગ સમિતિઓની રચના કરી છે.
AICTE ના નિયમોનું પાલન કરવાનો નિર્દેશ આપવામાં આવ્યો
તેમણે જણાવ્યું હતું કે, ગુજરાતની તમામ ઉચ્ચ શૈક્ષણિક સંસ્થાઓ જેવી કે યુનિવર્સિટીઓ અને ડીમ્ડ યુનિવર્સિટીઓને UGC કાયદા હેઠળ વ્યાખ્યાયિત કર્યા મુજબ તમામ ટેકનિકલ સંસ્થાઓને રેગિંગના જોખમને રોકવા માટે UGC અને AICTEના નિયમોનું પાલન કરવાનો નિર્દેશ આપવામાં આવ્યો છે.
આ પણ વાંચો: Gujarat University Case Update: મેટ્રો કોર્ટે પોલીસ તપાસને અધૂરી ગણાવી, FIR માં ચોક્કસ આરોપીઓના નામ નહીં
આ પણ વાંચો: Banner Politics : બેનર વિવાદમાં આખરે શું કહ્યું રંજનબેન ભટ્ટે ?
આ પણ વાંચો: Chotaudepur : રાષ્ટ્રીય ધોરી માર્ગના સાઈન બોર્ડના છબરડાઓમાં આખરે કરાયો સુધારો