ટ્વિટર એટલે કે હાલનુ X હમેશા કોઈના કોઈ વિવાદોમાં રહેતું હોય છે. અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પના એકાઉંટ બેનની વાત હોય કે પછી ટ્વિટરના માલિકીની વાત હોય તે હમેશા ચર્ચામાં રહેતું હોય છે. હવે X ને લઈ મોટા સમાચાર સામે આવ્યા છે. એલોન મસ્ક દ્વારા સંચાલિત X કોર્પ એ ભારતમાં 26 સપ્ટેમ્બરથી 25 ઓક્ટોબર વચ્ચે રેકોર્ડ 2,37,339 એકાઉન્ટ્સ બંધ કર્યા છે.
જે એકાઉન્ટ્સ પર પ્રતિબંધ મૂકવામાં આવ્યો છે, તેમાં મોટાભાગે X એકાઉન્ટ્સનો સમાવેશ થાય છે જે યૌન શોષણ અને બિન-સહમતિયુક્ત નગ્નતાને પ્રોત્સાહન આપે છે. આ સિવાય દેશમાં આતંકવાદને પ્રોત્સાહન આપવાના આરોપમાં 2,755 ખાતા બંધ કરવામાં આવ્યા છે.
આ છે કારણ
X એ નવા IT નિયમો, 2021 ના પાલનમાં તેના માસિક અહેવાલમાં જણાવ્યું હતું કે તેને તેની ફરિયાદ નિવારણ પદ્ધતિ દ્વારા સમાન સમય મર્યાદામાં ભારતીય X વપરાશકર્તાઓ તરફથી 3,229 ફરિયાદો મળી છે. વધુમાં, X એ એકાઉન્ટ સસ્પેન્શન સામે અપીલ કરતી અન્ય 78 ફરિયાદો પર પ્રક્રિયા કરી.
કંપનીએ શું કહ્યું?
કંપનીએ જણાવ્યું હતું કે “પરિસ્થિતિની વિશિષ્ટતાઓની સમીક્ષા કર્યા પછી, અમે આમાંથી 43 એકાઉંટનું સસ્પેન્શન ઉલટાવી દીધું,” બાકીના એકાઉંટ સસ્પેન્ડ રહેશે. વધુમાં તેમણે જણાવ્યું હતું કે “અમને આ રિપોર્ટિંગ સમયગાળા દરમિયાન એકાઉન્ટ્સ વિશેના સામાન્ય પ્રશ્નો સંબંધિત 53 વિનંતીઓ પ્રાપ્ત થઈ છે,” . ભારતમાંથી સૌથી વધુ ફરિયાદો દ્વેષપૂર્ણ આચરણ (1,424) સંબંધિત હતી. આ ઉપરાંત દુરુપયોગ/સતામણ (917), પીડોફિલિયા (366), અને સંવેદનશીલ પુખ્ત સામગ્રી (231) હતી.
X એ 5 લાખથી વધુ એકાઉન્ટ્સ બંધ કર્યા છે
6 ઓગસ્ટથી 25 સપ્ટેમ્બરની વચ્ચે X એ ભારતમાં 5,57,764 એકાઉન્ટ્સ પર પ્રતિબંધ મૂક્યો છે. આ સિવાય X એ પ્લેટફોર્મ પર આતંકવાદને પ્રોત્સાહન આપવા માટે 1,675 એકાઉન્ટ પણ બંધ કર્યા છે.
26 જુલાઈથી 25 ઓગસ્ટની વચ્ચે, કંપનીએ દેશમાં તેના પ્લેટફોર્મ પર આતંકવાદને પ્રોત્સાહન આપવા બદલ 12,80,107 એકાઉન્ટ્સ પર પ્રતિબંધ મૂક્યો અને 2,307 એકાઉન્ટ્સ હટાવી નાખ્યા.
આ પણ વાંચો —Network Issue : જો તમારા ફોનમાં Internet Speed ધીમી છે તો કરો ફક્ત આટલું, વધી જશે સ્પીડ…
